سلام الله على الشايب

سلام الله على الشايب وكل الربع والصدقــان ****** من إهجوس الهذيلي يوم دندن ثم غنـــاها

نبي نلعب على قاف(ن) على معنى وله بنيان ****** ولا يا زين قيفان(ن) يشوق الناس معناها

[الطائر المهاجر]

هلا ومرحبا بك يالمطرفي
والحمد لله على السلامه
ما تغيب إلا وترجع سالم غانم

ارحب يالغالي
اما الردية فهالحين انا مشغول ، ولعله يجي من يلعب معك
تحياتي الطيبة

[الطائر المهاجر]

وعليك افضل سلام الله من نجد إلى عمان= مدام انك شباب ولا لقى في غنوته منهو تمناها
انا بالملعبه خبري قديم وزل من ازمان = وفيك الخير واللي جاهز للملعبه ما هو يتعناها

[سالم العبيدي]

حياك الله يالهذيلي

هلا يامرحبا ترحيبة (ن) فيها الوفى عنوان = تراحيب المطر بارض خليه ربي اسقاها
تفضل بعدها اقلط نشرع لك بها البيبان = على صفر الدلال اللي كثير من تقهواها

يدوم إلك البقــــا ياللي ترحب دونك الميدان ****** وشايبنا تعذر ثم ظني زال مبنــــــــــــاها

لكن انته حضرت وتاخذ القسمه على ميزان ****** لك الله تظهر إعلوم(ن) بصدرك كنت تكناها

[سالم العبيدي]

استلم يالمطرفي

أنا بنشدك عن بنت(ن) لها نور بعد مابان = تمر اربع شهور اتعدها من عقب تلقاها
تباشر عند جيتها جميع البدو والرعيان=دليلة خير يهتدي بها الساري لمسراها

[ابو زياد]

عاااااااااااااشوا

[سالم العبيدي]

عاشت ايام ياابو زياد