الفقـرما هو عيب لا صرت رجال

[الطائر المهاجر]

الفقـرما هو عيب لا صرت رجال= شيهان حرٍ ما يبوس الأيادي
يفعل سبب ماهاب من نوع الاعمال = ورزقه على اللي خالقه والعبادي
ومن لاعرف يشبع ترى الجوع قتال= ياما يذلّ رجـــال عند الاعادي
فالذيب ما يصبر على الجوع لا طال = ما تهتنـي عينه بطعم الرقـادي
والحـرّ نسل الحر ما يقبـل الحال = ما ينتظر بالوكر بعض الجرادي
اما حيــاةٍ بالمعــزّه والاجـلال = والا ممـاتٍ والفخر له عمادي
وحرٍّ بـلا تعليـم شبره ولـو طال= في يـوم يقصر فالعلم كالزنادي
فهالـوقت ما ينفعك عمٍ ولا خـال = حتى شقيقٍ تحسب انه سنادي
ومن لا رقى في قوته شمخ الجبال = ما ظنتي يقوى إذا الضعف بادي
مشيت درب الشوك حافي بلاحمال = ما همني طـوله بصبر وعنـادي
الفقـر مشّـاني الى بحر الاهوال = اصـارع الامواج عزمي جيادي
حتى وصلت لغـايةٍ صعب تنطال = لمن هو بوضعي بالتعب والجهادي
اسقتني الدنيـا من المـرّ الامصال = وشربت من عذباتها باجتهـادي
ولقيتهـا كالعشق في بعض الاحوال = ودّك تشـوفه لا سمعته ينـادي
يسحرك في غنجه ودفئه بالاقـوال = ولا من لقيته تنفجـع بالـوكادي
تنقـد على نفسك بشغلات جهـال = ووقتٍ مضى لك بالعمى والسهادي

صح لسانك وهذ ه القصيدة فيها من المعاني الكثير وليس بالغريب علي شاعر لة تجارب بالحياه ويصنع من المواقف التي تمر علية قصائد بهذا الجمال وبهذة المعاني الكبيرة
اقول صح لسانك للمر ه الثانية وفالك قلوب الملايين من الناس

[الطائر المهاجر]

شكرا المجروح
على كريم المرور
لاهنت
تحياتي

[منيع]

نعم اقوال وحكم سديدة
شكرا لك
تحياتي لكم

[داعي الشوق]

صح لسانك ابو عبدالله
قصيدة كلها حكم ونصائح ثمينه
دمت ودام ابداعك
وصح لسانك مدد

[عبدالله الشويمان]

صح لسانك يابو عبدالله واعتلا شانك

ولا شك ان الكفاح مطلوب.

لا هنت لا هنت

[بنت النور]

صح لسانك وعتلى شانك
ولاهنت

ابيات روعه من شاعر الفطاحله
تقديري واحترامي

[الطائر المهاجر]

شكرا منيع
على كريم المتابعه
لاهنت
تحياتي

[الطامي]

صح السانك
كلام سليم لافض فوك
ولاهنت

[الطائر المهاجر]

شكرا الطامي
على كريم المتابعه
لاهنت
تحياتي