احلى الكلااااااااااااااااااام

[اسير البدر]

جيت اسمعكم قصيدي والقبول من الله=والله آساله يثبتنا على طاعاته
والقلم سيف يروض دفتري ويفلَه=ويتمعن فيه ويلملم ضياع اشتاته
والقصيد ان جا على الطاري ووافق حلَه=مثل فنجال العصر لي صب من مصفاته
خبروا كل اصدقانا ماعلينا خلَه=نحمدالله في نعيم الله وفي مرضاته
راسنا مرفوع وعقود الزمن منحلَه=والبن ادم مايجي وقته على مشهاته
وخبروا اللي يحسبني ناسي لابالله=مانسيته هو حد ياناس ينسى ذاته
له مكان وسط قلبي ماحدٍ ياصلَه=ثبت اطنابه وزين بالحشى مركاته
لف قلبي لف قلبي بالغلا واحتلَه=ثم تغلغل بالعروق وربعت قواته
مرحبآ يااغلى عرب قلبي وغاية من له=ياوحي فكري ومنبع دجلته وفراته
ياجمال الروح ياروح الجمال وظلَه=ياحسين الوجه ياوجه الحسن ومراته
هاك قلبي رتب اوضاعه وزين دلَه=طهر عروقه ونسه كل ماقد فاته
خله يردد عقب جيتك كلًه ملَه=وخله يحرم عقب شوفتك هاته هاته
هاك قلبي هاك عقلي هاك عمري كلَه=هاك حرفي هاك شعري والقلم ودواته
من عيون ابليس ياخلي عليك اسم الله=يحرسك ربٍ خلقك وتحرسك آياته
ودي آوصف حلله الخود حله حله=وآتهجا سلهمت عينه وضحك شفاته
واكتب اسمه وامسحه واكتبه وآعنون له=في حنايا كل مافيني بعض غلاته
وجهه اللي ينعش عروقي بريحة فلَه=ياااحلو غمازتيه وياحلو غمزاته
كامله في كل شيٍ والكماله لله=في سلامه في كلامه ضحكته وسكاته
شاعر قالت حروفه للمعاني لله=ماكتب الا له ولا اطرب كون في ملقاته
وعبر اثير احلى الكلام يعاهدك ياخلًه=انك اللي غايتك ماخالفت غاياته

وسلااااااااااااااااااااااااااا اااامتكم

اخوووكم مجحود بن عسكر(اسير البدر)

[الطائر المهاجر]

سلمت
وصح لسانك وقلبك
ولا هان راسك
جزلة من جزل وطيبة من طيب
تحياتي

[عيدالماجد]

صح لسانك تقبل تحياتي

[الطامي]

خبروا كـل اصدقانـا ماعلينـا خلَـه=نحمدالله في نعيـم الله وفـي مرضاتـه
راسنا مرفوع وعقـود الزمـن منحلَـه=والبن ادم مايجي وقته علـى مشهاتـه

مجحود
صح السانك ملايين
رائعة جدا
لاهنت

[حي الضمير]

صح لسانك ياجزل
قصيده رائعه وابدعت بارك الله فيك
أجزل التحايا والاحترام

ــــــــــــــــــــــــ

[الـزلـزال]

وخبروا اللـي يحسبنـي ناسـي لابالله=مانسيته هو حد يانـاس ينسـى ذاتـه
له مكان وسـط قلبـي ماحـدٍ ياصلَـه=ثبت اطنابه وزيـن بالحشـى مركاتـه

مجحود بن عسكر
بوح متقن ومميز
من شاعر متمكن ورائع في كل مايقدمه
أبدعت شاعرنا وأرويتنا شعرآ هذا المساء
دمت بحب وسلام ودام لنا نبض حرفك المتقن
صح لسانك ملايين ملايين
ولك فائق تحياتي وتقديري

[ترانيم المطر]

صح لسانك

جزله من راس جزل

الله لايهينك


تحيتي

[مجدي صالح المبارك]

صح لسانك واعتلى شانك

شاعرنا القدير

( مجحود بن عسكر )

على هذه القصيدة الرائعة

التي أتحفتنا وأطربتنا بها

تقبل مني فائق التقدير

ودمت بكل خير

[همس الورد]

صح لسااااااانك مليووووووون

و صح بدنك

بوووووح رائع

تحيتي

[محمد العسكر]

الله الله

على هذا العزف والنزف

الذي لايجيده .. الا الكبااااااااااار

ماهي غريبه يامجحود

تلامس بنا تلك الغيوم السابحة في الفضاء

وسماء الشعر وجماله