الدّم بعروقي مهو O +

[ماجد الزيد]

السلام عليكم ورحمة الله وبركاته
إخواني يبقى الفخر غرض من أغراض الشعر بعيداً عن العصبيّة
ولكن حين كانت عكاظ مقصد الشعراء , لاضير من الفخر فالنفوس تسمع شعراً
وتستعذبه مهما كان غرضه إن أجاد القائل
أتمنى أن ترقى إلى ذائقتكم

سبحان من فرّج عليّ (أ)همومي=من بعد ماهي فوق قلبي (أ)ردومي
الرّاس شاش وهاش تحت العمّه=وعمامتي صاحت تقيّض نومي
وتليت لي قاف(ن) من أقصى الغبّة=موج(ن)يلاطم مغرق(ن) وحسومي
إن كانها بالقاف فإنّي وافي=وإن هي حميّة وصّلت حلقومي
والّي رفع سبع(ن)وهبّط سبع(ن)=لو قافي يعصاني شلقت (أ)هدومي
قاف(ن)تليد(ن) من طروق الجنّي=المارد الوارد ( شُرَيْدَّ الدومي )
الدّم بعروقي مهو O + = نوعه خوالد ميزته زيزومي
ياجبور ياجبر العظم ياكسره=ياسيل ويل وقارعات (أ)زحومي
ولاد المضا بالهاشمي منسبها =بنت المهنّد ليس بالمثلومي
فالجدّ مخزومي وصهره هاشم=السّاس مقباس(ن)مهمّ (أ)هتومي
ولاد المضا أُستنكحت جبريّ(ن)=شبيب جدّي وجدّكم يا قرومي
ساسان هجْر(ن)والحساء والعارض=الفارض الوارض عداه اللومي
أبناءُ خالد لست أحصي دار(ن)=شرق(ن)وغرب(ن) في بلاد الرومي
لادار(ن) إلا الخالدي خضّعها =في كل شبر(ن) سادت(ن) هم قومي
كم جرّع الفرس المنايا خالد=والروم كم أسقاهم المحتومي
خير الأمم عدنان والخيريّة=بأبناء هاشم ثمَّ فالمخزومي
ماظلّت العليا شريف ٍ سيّد=أكرم من (أ)قُرَيشيَّ ذا معلومي
ربعي إذن تاج العرب والسادة=سادة مضر والشّاهد المعصومي
أبن الفهر ماحر طاول جوّه=لا فارسي لايعربي لا رومي
كل شاعر(ن) يفخر... شوي يبالغ=إلا الخوالد فخرهم مهضومي
والّي رفع ذكر الخوالد حتّى=بأقدامهم داسوا على لنجومي
لادوله إلاّ خيلنا داستها=يوم العرب متلحفين النومي
الخالدي لاجت بمجد(ن) ماضي =رب(ن) لعرش الحكم لا محكومي
أجود إبن زامل وأبوه وجدّه=حكّامها وإن تيّه المنجومي
حكّامها يوم السنين (أ)مطاحن=دكّوا من الأهوال كل خرشومي 1
بالربتغاليّه رُسُوم لــمقرن=تشهد بفعل الفاتك الشغمومي
ثمّ(ن)تسلطن من بعدْه الديّن=مشبع هل اللّذات من زقّومي
بن أجود الجبري (علي) ديّنها=سلطانها ومتقدم المأمومي
جد القريشي من ( علي وضويحي )=أُسْد الخوالد نصْرة المظلومي
(أ)عمامتي وعظام صيبة نحري=سلمي وحربي هدّتي وعزومي
نسل القريشي مستقر الجوبة2 =ريف الضعيف ومقصد المكلومي
إستمهلوا قافي فهو مسترسل=ستّل مطيْر الحر غير البومي
يطري علي ( جدّي علي ) وأستنهض=كالذيب لاعوّى على المرجومي
إخوان عينا ياعصابة راسي=ناسي وباسي سنتي ورسومي
يفداكم الّي يوم جاب اوراقه=ناسي بإنّي الهاجم الحيزومي
ملعون صير وعلّته بالملّه=حقّ(ن)علي لآجيه كالجاثومي
لاضرب بكفّ(ن) لاصفق كالبرثن=ليث(ن)خبط مل كفْخته مرمومي
وثّاب(ن) اثّاب(ن) مهو متثابي=ماجد لِِما رام الْكرام (أ)يرومي
يعْفو عن الزّلّات للمستذنب=ويتفوا بعين العانت الملئومي
ماصبري إلاّ حشمة ً لعظامي=لاعشت إن لم أحشم المحشومي
لايغفل إلاّ من تغافل عقله=لاصار قلبه بالرّدى مردومي
والله ثم والله حلف(ن) غامس=معقود في قلب الفتى الملهومي
لاطبع على علباته المطروقة=من طرق فكري مابعدها صومي
الهّايب الخايب رديّ السيرة=مسّاح جوخ الكانز المتخومي
فسل ٍ هسل منسل عند الطوله=كسل ٍ ... نشيـــط إن يمم المقسومي
وقح ٍ شطح والشطحه المشطوحه=طرس ٍ أعدّه فرخه المرخومي
رخم الطيور ولا فرس مخلابه=يحيا على كل رامم(ن) مدمومي
لاضاف ولا ضيّف ونار (أ)وجاره=ماشبّت إلاّ بغايب آ....للحومي
لاساعي إل عليا ولا واصلها=يسمع ويكتب مشتهى المشؤمي
هل غرّت(ن) للرّاس إلا حنّا=هل سنّ خلع الباب إلا قومي
فسئل رماح الموت إن عادينا=تنبيك بصدور الفحول تسومي
وسئل سيوف الهند عن ماضينا=نفتح ونكسر نسكن المضمومي
وسئل خيول الله لاخيّلنا=نحن الصواعق بالعذاب (أ) نسّومي
نحن الكماة أبنا الكماة وإنّا =(أ) رضيعنا بالمرجلة مفطومي
ما طابت أرض الله إلاّ فينا=أشراف خالد ... بلّغوا الموهومي
لو طالت (أ)شويّن بعيّد فيها=الا أنني في وقفتي ملزومي
ميقن لو أخربها فلا تتصلّح=تخْـلد بعلبا الجاني المكتومي
آردّها وترجع وآرد وترجع=متْداحمه من ترجمه مـ يقومي
لستُ مُقِلٌ لا .. ولا مستكثر=كلاّ ولا مستكبر(ن) مفغومي
ولو شيتها والله بلّف الف(ن)=قاف(ن) مسلسل ببعضه ملحومي
شدّيتها ناويها خمس وعشر(ن)=ما أسرع ماصارت ناقة ٍ علكومي 3
لأنّي ورب البيت ما (أ)تْكلّف=تسلك معي ... للخالديّة دومي
مستعجلة كيبوردي طقطقها=طارت كففتي تو(B52) على لتخومي
ماجد حمد وقريشي جبري جوفي=الجد جدّي والسّلوم سلومي

1الخرشوم : خشم الجبل
2 الجوبة: الجوف
3 النّاقة العلكوم: الضّخمه

[الطائر المهاجر]

الـــــــدّم بــعــروقـــي مـــهــــو O +
ويعني الخوالد مافيهم او زايد
ليش ماهم بشر ..
لعلمك هذه الفصيلة أكرم الفصائل فهي تعطي
للجميع ولا تأخذ إلا من نفسها

لي عودة
تحياتي

[ماجد الزيد]

المشاركة الأصلية كتبت بواسطة الطائر المهاجر

الـــــــدّم بــعــروقـــي مـــهــــو O +
ويعني الخوالد مافيهم او زايد
ليش ماهم بشر ..
لعلمك هذه الفصيلة أكرم الفصائل فهي تعطي
للجميع ولا تأخذ إلا من نفسها

لي عودة
تحياتي

وهذه أُولى القراءات خارج النص من أبو عبدالله
والله دمّي او زائد يابو عبدالله لكن للشعر حال غير الحال

[صوت الإحساس]

صح لسانك مليار
يا عزيز المقدار


تستسلم لك الحروف يا ماجد

لله درّك


لك ودي قبل إعجابي

[متعب المتعب]

الصعب المراس شعرا ,, ماجد الزيد

لايشابهك إلا أنت ..

الحمد لله أنها أصبحت ناقة علكوم كي نقرأ ولانمل من جمالها ولذة بيانها ..

ونعم فيك وبلابتك وجميع القبائل والعوائل ونعم بجدك علي ونعم بحفيده ..

أما الشعر :


فــ مثلما تفضلت في أحد أبياتك لو شئت لأصبحت ألفا من البيوت الحسان الكرام وليست كأي ألفية هكذا بل معنى ومغزى
وقوة ولغة متفردة لايفقهها إلا القليل من الحاذقين


فــ أنت من يطوع ويلوي ذراع الشعر الندي النقي المعجز الصعب المراس


فــ هذا وأيم الله إنه البيان الحسن طيب الكلام سلس المرام صلف الحسام

*** من أراد الحصاد المعرفي اللغوي الشعري فــ ليولّي وجهه شطر الناقة العلكوم هنا .

صح لسانك ولاضير في تدوين إعجابي بك وإن كانت شهادة لاتسمن من فاقة ولاتغني من جوع
فــ أنت أهل لها دون شك في ذلك ولا ريب .


متــ ع ع ع ــب المتــ ع ع ع ــب

[ابو أنس]

الفاضل ماجد الزيد.....................
عنك للشعر موطن جمال وينبوع لغة ومعاني
لك الحق في الفخر بقبيلتك
ولكن الآكد ان لقبيلتك الحق كل الحق للفخر بك

أخي ماجد.
هنا.........

.ماظلّـت العليـا شـريـف ٍ سـيّـد
أ............................. .........كـرم مـن القُرَشـيَّ بالمجموعـي

.
اختلفت القافيه وان كنت أجزم انه خطأ طباعي
ومثلك لايعجز عن مثلها
لك كل الشكر ووافر التحيه

ماجد الزيد
والله ونعم فيك وفي ربعك
قصيده رائعه في نظمها ومظمونها ابدعت فيها صح لسانك وعلا شانك
ابيات في منتهى الجمال
الخالدي لاجـت بمجـد(ن) ماضـي
رب(ن) لعرش الحكـم لا محكومـي
هنا اظن تقصد ربع(ن)
تقبل مروري المتواضع ولك خالص التحيه

[محمد الأحمري]

صح لسانك ياغالي
قصيدة جميلة
وفعلاً لنا الفخر بقبائلنا دون العنصرية او تجاوز الحد
كما ذكرت ذلك في بادي الموضوع قبل القصيدة
وفقك الله ياغالي
ولاهنت
تحياتي لكـ

[مبارك أبوظهير]

ماجد الزيد


صح لسانك ...



قصيده جدا جميله ... ولو إني مأحب القصايد الطويله



لكن ملاحظات الأخ الفاضل أبوأنس في محلها .. عيد النظر ..



والأخ المطلق .. أظنه صدق فيما قال .. نرجو التوضيح



لاهنت لاهنت



غلااااااااااااااااااااااااي




م ن

[ابومياس]

ماجد حمد الزيد

سيد الحرف وكريم القوافي

نص فوق قمة الهرم

يمحل الكثير والكثير من المعاني الجزال

صح لسانك ويدوم راسك يالذيب

دمت بخير وعافية من الرحمن