وصيّ الشعر

[عذب القوافي]

	((وصيّ الشعر)) فزع موج الفرح يطرد سهوم ٍ تنطوي أحزان=يبّشر خاطر الزعلان بنفسٍ دوم مسـروره ينادي بسمة غابت طواها الهـم والنسيـان=كفاها سنين قد عاشت بظل الظيم مغمـوره حروف ٍ صاغها فكري تسلي خاطر الزعلان=تنومس من تخيّلها وجند إبليـس مدحـوره ألا ياشعري الوافي ترى حقي عليـك يبـان=تبّين مايحس القلب تخفف بعض من جـوره كثير الناس تتسآل ياكيف الشعر ماينصـان=مع اللي ضامته تظهر على هالناس مغـروره محرر مافهم شغله يحسب القاف مضغ ألبـان=شعور الناس لامن جاه يشوته شوتت الكوره وصيّ ورّشح لنفسه يصبح قايـد الميـدان=كثير اللي يهمشها وقع في وسـط محـذوره وترانا في زمان النت نفوذه طوّع العصيـان=يخل الكون مع كبره كما القريه وسط سوره زمان يكشف التزييف فضح مايحوي الرديان=يكفي عقول عاثت به مريض الشعر دكتوره يصف من الشعر أرداه يسطّر للخوي عنوان=لو إن القاف متشتت مع الأوزان وأبحـوره سألت الله يفرجها ويعوضنا عـن النقصـان=مادام إن شاعر الغفله ضعيف ولافهم دوره وألا يازين شعر أول كما محسن وإبن عدوان=طروق ٍكلّها معنى يشع القـاف فـي نـوره وترى في وقتنا هذا كثير ٍ والشعـر ينهـان=وساطه خلّت الرديان بهالصفحات محشـوره وشعر ٍ زاحم الدنيا سطور ٍ ناقصـه ألـوان=ثلاث أبيات تقراها وتوال حروف مكسوره تقديري للجميع,,,,,

[منيع]

عزيزي عبدالكريم بن خزيم

ابيات رائعة ومعبره
تحياتي لكم

[الطائر المهاجر]

وترى في وقتنا هذا كثير ٍ والشعـر ينهـان
وساطه خلّت الرديان بهالصفحات محشوره

كتبت فأجدت فأبدعت
جزالة وقوة وتجدد في الإبداع من شاعر فحل
صح لسانك مدد بلا عدد
ولا هان راسك
تقبل أطيب التحية

[ام العمده]

الشاعر القدير/عبدالكريم

صح لسانك واعتلى شانك
لاهان راسك
جزله من شاعر جزل
دمت بهذا الشموخ
تحياتي وتقديري

[الطامي]

بن خزيم
قصدت فأبدعت وأجدت
صح السانك ولاهنت عيني

[حي الضمير]

شاعرنا النجم بن خزيم مليون صح لسااااانك
قصيده رائعه وبحر محبب الى القلب
وابدعت كعادتك يامميز

[عذب القوافي]

الروعة في حضورك أستاذي منيع

فائق التقدير

مودتي,,,,,

[محمد عبدالله البدراني]

العزيز الغالي اخي عبدالكريم بن خزيم سلمه الله


الف الف مليون صح السانك وعلا شانك


لله درررررررررررك يابو براهيم


وقفت هنا كثيرا :

سألت الله يفرجها ويعوضنا عن النقصـان
مادام إن شاعر الغفله ضعيف ولافهم دوره
وألا يازين شعر أول كما محسن وإبن عدوان
طروق ٍكلّها معنى يشع القاف فـي نـوره


وماقول غير امين واشهد بالله انك صادق


ومليون مليووووووووووووون صح السانك


دائما حضورك مثري وثري فلله دررررك من شاعر واعي ونقي



تحياتي
مع اسمى ايات الشكر فائق الاحترام واطيب المنى رعاك الاله

[عذب القوافي]

المشاركة الأصلية كتبت بواسطة الطائر المهاجر

وترى في وقتنا هذا كثير ٍ والشعـر ينهـان
وساطه خلّت الرديان بهالصفحات محشوره

كتبت فأجدت فأبدعت
جزالة وقوة وتجدد في الإبداع من شاعر فحل
صح لسانك مدد بلا عدد
ولا هان راسك
تقبل أطيب التحية

صح بدنك أبوعبدالله والله لايهينك على مرورك أستاذي الكريم

دمت برعاية مولاك

[داعي الشوق]

صح لسانك يا بو ابراهيم

مميز كعادتك

صح لسانك مع التحية لك ،،،