طفلك ...

[الـزلـزال]

بسم الله الرحمن الرحيم


( طفلك )

القلب طفلك لا تحاول تبكيه = طفلك وشوفه كيف يصرخ بوينك
طفلك يبي ضمة يدينك تدفيه = ويبي الهوى مابين روحه وبينك
ويبيك تالي الليل تسهرتواسيه = ويبي مع السهرات يلمس يدينك
وأعرف تأكد لو لفيته تناجيه= يجيك هايم يفتدي شوف عينك
شاريك قلبي ... قلبك اليوم شاريه = وإلا يخفي في هوى الليل شينك
أن كان ودك به تناجي طواريه= لا بد مايوفي مع الحب دينك
وأن كان قلبك يم غيره مساريه = لا والله إلا روُّح ربي يعينك
وهو له الله ثم جرحه يباريه = وش العمل مادام قفت سنينك
مالي عليك الحين غير المشاريه = ولا لي يكود أدعي تجيني بزينك
بّكيت قلبي ليه طفلك تبكيه = وليه الطفل دايم يردد بوينك

[داعي الشوق]

يا سلام عليك يالشاعر سامي

ابيات جميلة

كـ حضورك الجميل

صح لسانك يالزلزال

مع التحية لك و التقدير

و لاهنت

********

[هترل]

ماشاء الله

ابيات جميله من شاعر مبدع

صح لسانك يالحارثي لا هنت لا هنت

[الطائر المهاجر]

جزل ومبدع
صح لسانك
ولا هان راسك
تحياتي الطيبه

[منيع]

اكثر من رائعه
شكرا جزيلا
تحياتي

[عبدالعزيز البليهد]

وصف تعلق القلب بالحبيب ببرائة الاطفال وصف جميل واكثر صدقا

صح لسانك اخوي سامي ولاهنت

[نفحات حساسة]

صح السانك / سامي

ولاهنت يالجزل

كتبت فأبدعت..يعطيك الف عافيه

وسلم فكرك ونبض قلبك

تحيتي لك..

[ابومالك رسام]

سامي الحارثي

عجبني ما علقته على جدار الابداع

عجبتني الفكرة والتنسيق والهندسة البيانية
لك تقديري

[سناعيس]

ياسلام عليك يالزلزال
دائما انت مبدع وجزل
صح لسانك ولا هنت

تحياتي

[الراقي]

نص اكثر من راائع

وحضور جميل

صح لسانك