منثورات شاتيه

[نجم الإبداع]

الاخوه والاخوات
هذه محاورات خفيفه من الشات كنت محتفظ فيها
ومن خوفي على ضياعها
وددت اطلاعكم عليها
آمل ان ترقى للذائقه

الطائر=وفلاح
قولو لها الطير المهاجر تلهوق=ماعد يشوق الا عيون البرانيق(فلاح)
فلاح ياللي بالقوافي تلعوق=عليك باللي يشبهن الغرانيق(غبدالله)
ما كل طير لو علا الغصن وقوق= وماكل ضب عارف للوقاويق(عثمان)
لاشك موتي طرف لالاح برّوْق= ياوجد روحي لو صفْنّ المعانيق(فلاح)
يا طير وشبك جا كلامك محوّق=ولا هي العاده وطبعك تحاويق(عبدالله)
الطير راح اليوم يب ياتسوّق = ولا لقى بطيّخ عند الزرانيق(فلاح)
يا الله على الصوتي هناكا هو اروق=من الكتابي والقصايد تراويق(عبدالله)
الطائر=وفلاح
دوختني ياعود ويش انت ناوي= ودك نسوي خمر ونخرب الدار(فلاح)
مابه خراب ياالشريك الضراوي=تبي تبطح ماتبي كم دولار(الطائر)
خلاص باشري لي مويتر عراوي= ونبيع منتوجك على كل سكار(فلاح)
اخاف تصدم وانت تشرب قهاوي=وتنثر بضاعتنا على كل مرار(الطائر)
تبي توصلني لدار المهاوي= واصير بين الناس ياعود خمار(فلاح)
وشلون تاصل ما اظنك بقاوي=تسحب رجولك من غبار إلى غبار(الطائر)
البدراني=وفلاح
دوم الجنوبي مايخلي عجلته = وانا بعد طبعي واحب الجنوبي(محمد)
عجزت اتوووب وطبعي اللي بحلته = يالله يالمعبود وشلون اتوبي(محمد)
الوادي الي يوم ماقد نزلته= دوبه على نفسه وماشاف دوبي(فلاح)
الي يبي الشتله بسرعه شتلته= نمزح ولولا العيب لاصير نوبي(فلاح)
الطائر=وفلاح
(الطائر)السبب ياعجوز قريح ما به خفى= من اشوفك اشوف الجن تركض علي
(الطائر)لو تقولي ضعيف الجسم قلنا كفى=ماني خرتيت مثلك في شحومي ملي
(الطائر)السعك يوم اشوفك ماللسعي شفا=كودي انفذ بجلدي ما يجيني قلي
(الطائر)خلي عنك الهجوم وخلي عنك الجفا= فيه مشروع ناجح بعملك وعملي
(الطائر)اسرع اسرع فلاح كان تبغى الدفا=جرعة من نبيذ التمر بك تفعلي
(فلاح)ياسلامي على العود الذي صفصفا=بعض الاحيان واضح وان نوى يغملي
(فلاح)مثل موتر مع ديراب يوم انطفا=قرب الكاس والشربيت ياناس لي
(الطائر)صدره للمنامه بالوزن طفطفا= وخل صعبه تبيعه بالعجل ومهلي
(فلاح)المنامه بها مصنع خمور وهفا = وانت مصنعك من برحي ماهوب ادولي
(الطائر)وكان زادت كلام بالرطينه عفا= قل لها ياعجوز قريح لو تخجلي
(الطائر)التجاره حلال وما بها منكفا=والتمر للركب يزيد فيها الجلي
(فلاح)كل ديره لها بالنايفات اعرفا=اعرف الزير وارمق رقصة البندلي
(الطائر)قصدك انك قرنبع منصدم بالقفا=لو نجيب اشتراك ونقرب الهندلي
(فلاح)كل قدرن بما في داخله منكفا=وانت ماقصدك الا تردف الجوزلي
(الطائر)قدرك اللي انقلب وسط نار اختفا=بالمغارف نعرف اللي انطبخ بالحلي
(فلاح)اعرفك ضب بالصمان يوم اختفى= هرجك احلى من السكر وهو حنضلي
(الطائر)واعرفك انك عسل فيه الحلا والشفا=غير داخلك سم بالفعل يعجلي
(فلاح)ليش ماترحم اهل الحب واهل الرفا= يوم صوفي وبعض ايامكم حنبلي
(الطائر)فاهم بالغلط يامن مشى بالحفا=طيرك اللي تظنه من همومه خلي
(فلاح)يجهلَك نايد العربان وانا افا=اعرف القدر يوم الغير به يجهلي
(الطائر)تايدك ما يغسل قدرك اللي انكفا=كل قاعته سودا فلايفيد الجلي
(فلاح)ماحسبنا علوم الجادل المرجفا= كل حبن نذري به في المنخلي
(الطائر)جادلك عنز صمعا سمعها مرهفا=ماتريدك حليل ولا تريدك خلي
الطائر=صيده ههههههههههه
عراقية الأطراف حمصية اللمى=نزارية الأرداف تكرونية الكفل
فقبلها الطامي على الثغر مرة=احس سعابيل على الصدر كالبصل
يقولون يالطامي عليك بضبعة = لها سبعة اديود فارضع على مهل
ولما دنى منها تأكد انه = قتيل الهوى في ضبعة كنها الجمل

[الطائر المهاجر]

ههههههههههههههههههههه
حسبي الله عليك كيف تنشر هالخرابيط

[رفيعة الشان]

شعرائنا الأفاضل
صحت السنتكم

امتعتوا


ولاااهنتوا

[الطامي]

هههههههههههههههههههههههه
صح السانتكم
شعراء كفوء
حححححححححححححححححححححححح
فلاح مالقيتو الا انا بغيابي
طيب انا وراكم

[نجم الإبداع]

المشاركة الأصلية كتبت بواسطة الطائر المهاجر

ههههههههههههههههههههه
حسبي الله عليك كيف تنشر هالخرابيط

هههههههههههههههههههه

هلا يابو عبدالله

مافيها الاالخير انشاء الله

فقط نشرت هنا للمتعه

شكرا لمرورك

لاعدمتك

[اللهيب]

كتبت فأمتعت
شكراً لك
تحياتي

[الهميم]

بارك الله فيك
جميل ما قرأته
تحياتي

[البديعي]

شكرا لك
على الجهد الطيب
تحياتي

[المؤذن]

مشكور
على المعلومه الجيده
تحياتي

[الهامس]

جزاك الله خيراً
على ما افدتنا به
ودي واحترامي