21-08-2006, 10:21 PM
|
رقم المشاركة : 1 | |||
|
ياراعي الموتر اللـي بايـحٍ لونـه = اللي من الشمس راحت معظم الوانه
مكروف لين انتهت جلدة دركسونـه = واربع سكاريب تلـزم روس بيبانـه من مصنعه ماتغيّر زيـت سيفونـه = صوت السبايك على الجنبين حنانـه ولابه انبير يمشي وسـط طبلونـه = سيورهن من قديم الوقـت خربانـه والقير لاعشّقـوه اثنيـن ينسونـه = مايعتقه لين يظهـر زيـت شكمانـه والمرتبه في بطون الضان مدفونـه = وجنوبها من ثقيل الحمـل هريانـه ورفارفه جنب طنب البيت مركونـه = طاحت مساميرهـا والحـال تعبانـه ماترحم اللي معك يمشي على هونـه = مطفّـي النـور والرجليـن حفيانـه يسوق عمره علـى دربٍ تسوقونـه = قلبه تحطـم وهـذا صـوت رمانـه يابو خـدودٍ تشابـه خـدة فلونـه = ماهيب من رشـة المكيـاج مليانـه وبريقـعٍ صغّـروه اللـي يسوونـه = مـرٍ يغطـي ومـرٍ ذيـك لحيانـه والجسم شيٍ يدوّخ مـن يشوفونـه = بنت من مقابـل الخلفـات فسقانـه ماهيب في دجة الموضـات مفتونـه = اللي مع السـوق رجليّـه وهجانـه الوجه مكشوف والخديـن مدهونـه = ولاتخلّـي ولارجّـال فـي شـانـه يابنت شرع السواقه ويش قانونـه = يوم القوانين عنـدك مالهـا خانـه قالت مع البـر مملوحـه ومزيونـه = جوٍ يغطّـي علـى الـزلات ميدانـه وسواقةٍ فالمدينـه غيـر مضمونـه = لاشافوا البنـت كـل طلّـع لسانـه في زحمة الناس كلٍ يفـرك عيونـه = تقول جمهـور فـنٍ شـاف فنانـه سواقتي من ورا الابرق ومن دونـه = من خلف نوقات ابوي وخلف غنمانه الشايب وحْيد والرجليـن مرهونـه = ولابه اخـوٍ يقـوم بـلازم اخوانـه مانيب اعَرف البحر يللي تعرفونـه = ولاتمشيـت تالـي الليـل سهرانـه ولابي الناعم اللي يسحـب ردونـه = اللي على طول يومـه ياكـل لبانـه شفي من البـدو رجّـالٍ بكرتونـه = معَـرَّبٍ راس ابـوه وراس جدانـه يصلّي الفـرض لاقامـوا يصلّونـه = ويصوم شهر رمضان ويحفظ اركانه ماهوب لاجا الضحى دنّق على التونه= ولاقالـوا الله اكبـر شـب دخانـه قلت اشهد انـك سنافيـه ودندونـه = والعقل نعمه من المعبـود سبحانـه والسالفه حدهـا ذربـه وموزونـه = يطرب لها المستمع ويقـول فنانـه |
|||
|
|
22-08-2006, 12:35 AM
|
رقم المشاركة : 2 | |||
|
وسواقةٍ فالمدينـه غيـر مضمونـه 000 لاشافوا البنـت كـل طلّـع لسانـه |
|||
|
|
|
23-08-2006, 03:51 AM
|
رقم المشاركة : 3 | |||
|
مكروف لين انتهت جلدة دركسونـه |
|||
|
|
|
04-09-2006, 02:52 AM
|
رقم المشاركة : 4 | |||
|
يا بو خدود تشابه خدة فلونه ماهيب من رشة المكياج مليانه |
|||
|
|
|
04-09-2006, 09:55 AM
|
رقم المشاركة : 5 | |||
|
الفاضل الآكيد............. |
|||
|
|
|
04-09-2006, 09:51 PM
|
رقم المشاركة : 6 | |||
|
الاكيد |
|||
|
|
|
18-09-2006, 01:16 PM
|
رقم المشاركة : 7 | ||||
|
اقتباس:
سناعيس مشكور على هذا الرد تحياتي |
||||
|
|
|
18-09-2006, 01:18 PM
|
رقم المشاركة : 8 | ||||
|
اقتباس:
ام فيصل مشكوره على المرور والرد لاهان شاعرها الاكلبي |
||||
|
|
|
18-09-2006, 01:19 PM
|
رقم المشاركة : 9 | ||||
|
اقتباس:
مشكوره على هذا الرد وهذا هو الواقع اللي نحن عايشين فيه الان صح لسان الشاعر سعيد الاكلبي |
||||
|
|
|
19-09-2006, 02:35 PM
|
رقم المشاركة : 10 | |||
|
والقير لاعشّقـوه اثنيـن ينسونـه |
|||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
مطفي النور والرجلين حفيانه
