الولد لاطاب طيبه من خواله.... معارضه(بالصوت)

[الطائر المهاجر]

قصيدة ابن الذيب المشهوره : الولد لاطاب طيبه من خواله
تعكس الوضع الذي كان سائدا في العصر الذي عاش فيه
رحمه الله ، لكن الوضع تغير ..... لهذا كانت هذه المعارضه

"الولد لا طاب طيبه من خواله" = عنه لاتسأل ولا عن والدينه
قالها "ابن الذيب" في ماضٍ مضى له= ما درى اللي صار بالوقت وسنينه
يوم صار الرجل طيبه من حلاله = لو سرق والاّ نهب محدٍ يدينه
دام يتصدّق ولو من سحت ماله = صار له شانٍ ولو هم خابرينه
في زمان كاسبٍ فيه الحثاله = ومن حنى راسه لاجل يملى يدينه
لين كل صار يعشق لابتذاله = كود ياصل مثل غيره من هجينه
لو مشى دربه بمكره واحتياله = الزمن علّمه ياخذ كل شينه
ما ورثها من عمام ولا خواله = ولا كسبها من ضميرٍ فيه دينه
تاركٍ درب الرجوله عن شماله = وواخذٍ درب الحصاني من يمينه
ومن حفظ مبداه الا واتعس حاله = عايش محتاس ماله من يعينه
الفقر واطيه بلشٍ في عياله= ورغم هذا صامدٍ ما ارخى جبينه
فالله اللي واهبٍ أطيب خصاله = ومن يظنّه ورث ما يدري يقينه
فكم لهيب سرنا طيب اشتعاله = رمدت ناره على اللي محترينه

[سناعيس]

الطائر المهاجر
صح لسانك على هذه الإعتراضيه الجزله
والتي بلا شك تلامس الواقع الملموس حاليا
ولكن المقصود هو أن العرق دساس وهذا ورد في الحديث
وصحيح أن تأثير الخال على أبناء الأخت قوي جدا بحكم علاقة الأم بأهلها وهذا مجرب وهو الحاصل
على العموم وجهة نظرك سليمه جدا وليس على كل حال تأثر الولد بخاله زي ماقلت لأن هذا الزمان اختلف
عن الزمان الماضي عندما لم يكون للمال الأهمية التي هي عليه الآن
أما الآن فربما يأثر فيه رياله أكثر زي ماقلت ههههههههه
تحياتي

[منيع]

الشاعر قديما يقول

لايفتخر من ساد جدة وخاله=هي بالهمم لابالرمم مثل من قال

[line]
الاخ الكريم الطائر المهاجر
ابياتك رائعه ومعبره
كل الود والتقدير

[مروان الشيخ]

الولد لا طاب طيبـه مـن خوالـه"
عنـه لاتسـأل ولا عـن والدينـه
قالها "ابن الذيب" في ماضٍ مضى له
ما درى اللي صار بالوقت وسنينـه
يوم صار الرجل طيبه مـن حلالـه
لو سرق والاّ نهـب محـدٍ يدينـه


صح لسانك ابوعبدالله

جزله من راس جزل

وقراءة لواقع تغيت فيه المبادء

واختلت فيه الموازين


تحياتي

[شمس القحطاني]

تاركٍ درب الرجولـه عـن شمالـه
وواخذٍ درب الحصاني مـن يمينـه


يا سلام عليك
مبدع وفنان أخي المهاجر
بما أن الدنيا بكبرها تغيرت عما مضى فلك الحق في كل كلمة صغتها

لاخلا ولا عدم

صح السانك شااعرنا عثمان
صدقت بكل حرف قلته بالقصيده
وعلى قول المثل (زمان اول تحول)
تقبل مروري المتواضع
مؤيد الكرعلي

تسلم يدك على الكلمات الاروع من الرائعة وممتعة جدا تحياتي لك

[طلال سويعد]

دائما
جزل
مبدع
تمتاز بالحكمه
صح لسانك

دمت بكل الود

لا اعرف فى كل مرة تمتعينا بكلمات من خيال واحساس مرهف دائنا يسلمو اخى

[ماجد الزيد]

ومن حفظ مبـداه الا واتعس حالـه
عايش محتاس مالـه مـن يعينـه

اي والله واعزي لحاله
صح الله لسانك يابو عبدالله
درر ونفائس
تقبل صادق الود والتقدير
اخوك ماجد