الا واعذاب القلب

[الطائر المهاجر]

الا واعذاب القلب من كثرة اوجاعه = اذا نام واحد توقظه ونّة الثاني
جمعها زمان اثّر على النفس باوضاعه= وعمرٍ مضى مابين ياسٍ وحرماني
ومن وين ما مشي لفنّي الوقت بشراعه= ورماني بصحرا ما درت وين عنواني
تناوشني الاقدار مالي سوى الطاعه= ولا لي سوى اصبر لو على الهام تاطاني
احاول شموع الصبر تصمد ولو ساعه= ولكن رياح الوقت تنوي بخذلاني
ادور بليلي نجم يمكن على اشعاعه = الاقي سحابٍ يغسل امرار تغشاني
ولقيتك بقلبي تغرسي روض مرباعه= تبينه عبث يزهر بعد موت الاغصاني
وتعبتي مثل فلاّح لو يبست ذراعه= بلا ياس يغرس خايفٍ غدر الازماني
وجادت مخاييل الحيا لنفس جزّاعه= سقت ما ظما وازهرعلى الحب وجداني
وبدا القلب من عطفك يعالج من اوجاعه= يحس الدفاء يسري مع النبض من ثاني
هو الحب لامنّه غذا نفس ملتاعه= يجدّد املها في حياةٍ بلا احزاني
حياةٍ بلا حبٍ تعيسه إلى الساعه= والانسان دون الحب ماهوب إنساني

[الأموره]

هو الحب لامنّـه غـذا نفـس ملتاعـه
يجدّد املهـا فـي حيـاةٍ بـلا احزانـي
حياةٍ بلا حـبٍ تعيسـه إلـى الساعـه
والانسان دون الحب ماهـوب إنسانـي


الله ،، الله

روعـــــه ،،

سلمت يالشاعر ،،

الف شكر لك ،،

دمت برعاية الخالق ،،

[عمر ال شيبي]

صح لسانك عاى الفكر وغلاه = وصح بدنك على كل مضمون
تيمتعت بالقصيد اللي علاه = صدق البيت اللي ميرده اللحون

مشكور طال عمرك

[الطائر المهاجر]

شكرا للفاضلة الأموره
على كريم الحضور والتفاعل الطيب
تحياتي الطيبة

[الطامي]

الا واعذاب القلب مـن كثـرة اوجاعـه
اذا نـام واحـد توقظـه ونّـة الثانـي
جمعها زمان اثّر على النفس باوضاعـه
وعمرٍ مضى مابيـن يـاسٍ وحرمانـي
ومن وين ما مشي لفنّي الوقت بشراعه
ورماني بصحرا ما درت وين عنوانـي
تناوشني الاقدار مالي سـوى الطاعـه
ولا لي سوى اصبر لو على الهام تاطاني
احاول شموع الصبر تصمد ولو ساعـه
ولكن ريـاح الوقـت تنـوي بخذلانـي
ادور بليلي نجم يمكـن علـى اشعاعـه
الاقي سحـابٍ يغسـل امـرار تغشانـي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عجيب والله عجيب
صح السانك وسلم فكرك وبنانك
ولاهنت
دموا تتجدد ابو عبد الله
قواك الله على طاعته

[ســُلاف]

حياةٍ بلا حـبٍ تعيسـه إلـى الساعـه
والانسان دون الحب ماهـوب إنسانـي
كيف نعيش بلا حب ودون ان نُحب
جميلة هي الحياة عندما توجد من يحبك وتصبح كل اهتماماته انت
تبدأ الهموم والاحزان بالتلاشي
طائرنا المهاجر صح لسانك

[العيناء العامريه]

الله الله ...
درر من كنوز الحياة
و حكم من قلب يعمره الايمان
و نظمن من روعته نسبحله الرحمن ....

صح لسانك ولا هنت

[صعبة المنال]

يا عينى عليك يا ابو عبدالله

دوما لك نكهه خاصة

هو الحب لامنّـه غـذا نفـس ملتاعـه
يجدّد املهـا فـي حيـاةٍ بـلا احزانـي
حياةٍ بلا حـبٍ تعيسـه إلـى الساعـه
والانسان دون الحب ماهـوب إنسانـي


صح لسانك وفكرك وحرفك


صعبة

ومن وين ما مشي لفنّي الوقت بشراعه
ورماني بصحرا ما درت وين عنوانـي

صح لسانك
إبداع بصراحه
كل الشكر لك

حياةٍ بلا حـبٍ تعيسـه إلـى الساعـه
والانسان دون الحب ماهـوب إنسانـي

سلمت يالمهاجر وصدقت

صح لسانك

ابيات رائعه اتحفتنا بها لاهنت

تحياتي