تـل قلبي ياهلـي تـله قويـه ..!

[بـدر الـدلـبـحـي]

سلمت بالليل ورديت التـــــــــحية =ياصباح الخيريا ســـــــــــيد الملاحي
قالت أنت أخطيت وإلا هي زريــه =العرب ممسين ونور الشمس راحي
قلت والله قلتها من حسن نيــــه =شفت نورك وأحسبه نــور الصباحي
كن نوره يوم بين به عليــــــــــــه= نـــــــور برقن في ظلام الليل لاحي
تل قلبي ياهلي تله قويــــــــــــه= وحط في جوفي حديدات الرماحي
فارقن بالزين مانلقى حليــــــــــــه= لو نلف الدار من كل النــــــــــواحي
العيون وساع سودن مســـتحيه= لعنبوهن يذبحن إبلا ســــــــــلاحي
لو يريد الروح روحي له هديـــــه= نرخص الغالي على شانه مبـــــاحي
من توافق مع وليفه ياهــــنيه= يا هنيــــــــــــه ماشين درب النجاحي

بـدر الـدلـبـحـي

[الطائر المهاجر]

نشرك لهذه القصيده في الهمس ومن قبلها قصيدة اخرى في الشعر المنقول يعني انك تدرك الفرق بين القسمين وقد يدل على انك تحاول نسبة هذه القصيدة لك وهي للشاعر مرزوق عبدالعالي العتيبي
فارجو عدم نسبة شعر غيرك لك حتى لاتتعرض للإيقاف

[بـدر الـدلـبـحـي]

ما حاولت أنها لي أطال الله في عمرك
وكذالـك ( عمي ضيف الله ) من قصايـده هذي وأنا انسبها لي هنا وبكل مكان
وهـو في علم كذالـك .. لا هنت ع ردك الوافي تششكـر ي العبداللـه

[الطائر المهاجر]

اذا ماهي لك لازم توضح اسم شاعرها
وعدم نشرها في الهمس لأنه خاص بشعر شعراء الفطاحله فقط
اذا انت شاعر انشر قصائدك فيه
موضوع انها لعمك ضيف الله ، فبالبحث في قوقل تبين انها
للدكتور مرزوق عبدالعالي العتيبي ، فأرجو البحث والتأكد
وياهلا بك

[الطامي]

الدلبحي
لك والا لعمك
القصيده وافيه
وصح السان شاعرها
ولاكن كما قال الطائر لابد من التثبت
فهنا منتدى ادبي ثقافي يتقصى حقائق ماينشر فيه ويتثبت منها حتى لايقع تحت طائلة القانون
شكرا لك