مجاراة ابيات وردي علي من بعثها لي ؟؟؟؟

[الطامي]

ارسل لي احد الأخوان وهو متعب بن راشد بن كليفيخ المنخس البحيح المري
ابيات طيبة جدا ويذكر شاعرها حب الطيبين المناعير وقد تأثر الأخ متعب بهذه الأبيات لأنها جات على مافي خاطره ،،، حيثه كفو ومن الشباب الذين ينأون من العلوم الرديه ويحبون اهل الطيب دائما ويتأثرون بهم
الا انه لم يذكر لي شاعرها ،،،،،،،،،، وقد احببت ان اجاريها وأرد عليه بما هو اهل له وان اكون مقصر في حقه لذا ارجو ان يعذرني في القصور .
الأبيات اخذت منها بيتين تبين الشطر والقافيه لمجاراتها في ردي عليه :-

انا رفيق الطيبين المناعير =اللي لهم كسب المعالي عشاقه
ماني اصادق مايلين الدناقير = اعيال العفون من الخيوط الدقاقه

اما انا فأقول وعمر القاري يطول :-

يامتعب المنعور سقت التعابير = لانك سمي العود وايضاً علاقه
سلالة الأجواد فعل وتفسير = والسيل من علوى قوي اندفاقه
تقول مالك بالنجوس الفناتير = اهل الردى والقول زيف ونفاقه
شذابة العرقوب من دون تبرير = مع القفى تشبه لموس الحلاقه
ورغبتك مع اهل الوجيه المسافير = اللي لهم بالطيب فعل وعراقه
بيض الوجيه ولاتحسب الدنانير = كرمان ومن غير الشجاعه حماقه
اهل المواقف صادقين ومشاهير = ومامنهم اللي قد ذكر في شقاقه
ياليث ياضرغام ياسبع يازير= ياللي دروب المرجل لك اشفاقه
يالقرم وانت اللي براسك سعاطير = عون الرفيق اللي كثيره عواقه
ارفع لك الرايه معزه وتقدير = وياحض من كنتو بصفه رفاقه

[جلال ابراهيم الصبيح]

الله الله يالطامي

مجاراة طيبة وجميلة أبيات غاية في الروعة وقصيدة جزلة

خرجت من قلب شاعر أكيد جزل.....لاهنت....وصح صح صح

ألف مليون مرة لسانك.....دمت بخير.


عاشق دمشق

[مبروك بن ماضي]

شاعرنا القدير / الطامي
مجاراه طيبه من طيب راعيها
ادامك الله بهذه الشاعرية الفذه
وصح لسانك وجاد بيانك
تفضل بقبول تحياتي واحترامي ،

[صعبة المنال]

جميل الرد

صح لساانك

صعوووب

[حي الضمير]

صح لسااااانك شاعرنا القدير الطامي
جزل ولاتأتي الا بالجزل
وصح لسان خويك متعب

[الطامي]

عاشق
صح بدنك
وشكرا لمرورك وتعليقك الأجمل
لاهنت

[الطامي]

مبروك بن ماضي
صح بدنك
وشكرا لمرورك وتعليقك الأجمل
لاهنت

[الطامي]

صعبه
صح بدنك
وشكرا لمرورك وتعليقك الأجمل
لاهنتي

[الطامي]

حي الضمير
صح بدنك
وشكرا لمرورك وتعليقك الأجمل
لاهنت

[داعي الشوق]

صح لسانك يالشاعر الطامي

مجاراة جميلة يالمري

و رد وافي

و يستاهل متعب

صح لسانك مع التحية لك