(ثمانين مليون)

[راشد فاروع]

السلام عليكم ورحمة الله وبركاته

وكل عام وأنتم بخير

جديدة أرجو إن تحوز علي الشيء البسيط من رضاكم

ياللي تبين الحب في سلك هتفون=لاتتعبين وتكتبين الرسايل
اقول أحبك مقدر اقول هلون=الحب وراني نجوم القوايل
وأنا اليا حبيت حبيت بجنون=ماعبرت حبي نوال وشمايل
أنا وخلي هاكذا الجفن والنون=وأنتى على ماقيل مامن صمايل
واللي رضى بالهينه من هل الهون=وأنا هواي الصعب والشبر طايل
حتى لو إني عشت ضايق ومحزون=مرضى لحب اللي بقلبي بدايل
لي عشقةٍ تضغط على القلب واتمون=والحب فيها له رسوم ودلايل
اليا استذارت بيحت كل مكنون=واليا اقبلت مثل المزون الهمايل
واليا تكدر جوها ضاقت الكون=واليا صفا يال العجب والهوايل
تسوى من اشكالك ثمانين مليون=والطم لعفت خدها كل عايل
أنا بدوي والبدو مايستحقون..!=إلا المهار المكرمات الاصايل
أنا بدوي والبدو ماتعرف اتخون=وتحب غاليها بشتى الوسايل
حب البدو حشمه وعفه وقانون=ماتعرف الخونه عيال الحمايل
ياما وطينا الخوف من شان مظنون=صلفين والتالين مثل الاوايل
كم عشقةٍ من دونها السيف مسنون=ناطا الخطر لعيون شقر الجدايل
ونصونهن عن ناقلين الحكي صون=هن قبلت الدنيا بنات القبايل
وأنتم عرب غاده ودانه وسيمون=حلوٍ نباكم مار مامن صمايل

راشد بن فارع


صح لسانك


جزله جزله

سعدت بكون اول مصافح

لاهنت

وكل عام وانت بخير

صح لسااانك مليووون

على هالتحفه الناادره

فضلااا

نطمح بالمزيد

فلا تبخل علينااا

[منيع]

الاخ الشاعر/ راشد
ابيات رائعه
وترى وانا اخوك مثل ماقال الاول

البدو واللي بالقرى نازلينا =كلٍ عطاه الله من هبّة الريح

تحياتي وتقديري

[ابو زياد]

صح لسانك ياراشد
جزلة

[سـعـد الحويماني]

المشاركة الأصلية كتبت بواسطة راشد فاروع

السلام عليكم ورحمة الله وبركاته

وكل عام وأنتم بخير

جديدة أرجو إن تحوز علي الشيء البسيط من رضاكم

ياللي تبين الحب في سلك هتفون=لاتتعبين وتكتبين الرسايل
اقول أحبك مقدر اقول هلون=الحب وراني نجوم القوايل
وأنا اليا حبيت حبيت بجنون=ماعبرت حبي نوال وشمايل
أنا وخلي هاكذا الجفن والنون=وأنتى على ماقيل مامن صمايل
واللي رضى بالهينه من هل الهون=وأنا هواي الصعب والشبر طايل
حتى لو إني عشت ضايق ومحزون=مرضى لحب اللي بقلبي بدايل
لي عشقةٍ تضغط على القلب واتمون=والحب فيها له رسوم ودلايل
اليا استذارت بيحت كل مكنون=واليا اقبلت مثل المزون الهمايل
واليا تكدر جوها ضاقت الكون=واليا صفا يال العجب والهوايل
تسوى من اشكالك ثمانين مليون=والطم لعفت خدها كل عايل
أنا بدوي والبدو مايستحقون..!=إلا المهار المكرمات الاصايل
أنا بدوي والبدو ماتعرف اتخون=وتحب غاليها بشتى الوسايل
حب البدو حشمه وعفه وقانون=ماتعرف الخونه عيال الحمايل
ياما وطينا الخوف من شان مظنون=صلفين والتالين مثل الاوايل
كم عشقةٍ من دونها السيف مسنون=ناطا الخطر لعيون شقر الجدايل
ونصونهن عن ناقلين الحكي صون=هن قبلت الدنيا بنات القبايل
وأنتم عرب غاده ودانه وسيمون=حلوٍ نباكم مار مامن صمايل

ابن فاروع

مبدع جزل معها احترامن وتقدير
هاذي ردودي لاقريت القصيده


وانت تستحق اكثر من ذلك استاذي

صح لسانك يالجزل

تحيتي

[نمرالعوين العتيبي]

راشد بن فارع


يسعد مساك ويسلم رااااااااااسك والله قمت الرووووووووعه والجزاله
صح لسانك مليار وعساك على القوه


اخوك نمر العتيبي

[الآكيد]

راشد بن فاروع



صح لسانك مليون على هذه القصيده الرايعه المعبره


تحياتي

[الخنساء]

ياما وطينا الخوف من شان مظنون
صلفيـن والتاليـن مثـل الاوايـل
كم عشقةٍ من دونها السيف مسنون
ناطا الخطر لعيون شقـر الجدايـل
ونصونهن عن ناقلين الحكي صون
هن قبلـت الدنيـا بنـات القبايـل
وأنتم عرب غاده ودانـه وسيمـون
حلوٍ نباكـم مـار مامـن صمايـل
صح لسانك اخي الشاعر راشد
قصيدة رائعه لاهان راسك
سلمت وسلم شعرك
دمت بخير

[سعود الحارثي]

لي عشقةٍ تضغط على القلب واتمون
والحب فيهـا لـه رسـوم ودلايـل
اليا استذارت بيحـت كـل مكنـون
واليا اقبلت مثل المـزون الهمايـل
واليا تكدر جوهـا ضاقـت الكـون
واليا صفا يـال العجـب والهوايـل


الله عليك ياراشد..
ابداع والله أبداع..
تحياتي لعزفك ونزفك!!
سعود