ياراعي الصـده !!!!

سلام عليكم ...



حروف متواضعه .. علها تشفع لغياب صاحبها

اليا متى صدتك ياراعي الصده=واليا متى زلتك ياهوه ابقبلها
قصّرت مدّك وانا لك مجزل المده=مديت بحبال وصلي وانت مهملها
شفت الذي خط عالمويه بخط يده؟=أو مثل من يقبص الحيده ويطبلها؟
ذولا مثل من يبيّن حبه ووده=إلواحدٍ جاهلٍ ماهو بكفو إلها
فلا تحسب اني لاقلت احبك بشده؟=يعني ابضعف وزلاتك اجاملها
أبوك انا ند مايزرا على نده=واشل حمل المراجل وآتحملها
من لابةٍ بالوفا والطيب ممتده=لا قالت اقوال ؟ تفعلها وتفعلها
وحنا هل السيف الاملح حن هل الرده=وحنا ملافي الرجاجيل وزواملها
لاجا العدو صوبنا يُلطم على خده=وللصايح؟ الكل دسماله يدسملها
من حد بغداد الى صنعا لنا عده=وأفعالنا عاد مابه راس يجهلها
فإن كان وضعك كذا بيطوّل المده=خذها من اقصر طريق ولاتطولها
الشي لازاد عن حده؟ قلب ضده=وزلتك ماعادني برضى ولا اقبلها
فإن كان تبغى صدودٍ فأبشر بصده=وإن كان تبغى لعانه؟؟ فأبشر إزهلها

.
.

ولاّ أقولك ؟ وقولي صدق من جده=الحل واحد ولا غيره بيعدلها
يالعبنو حب باير لعنبو جده=وإن كان فرقاك ستره؟ جاك مسدلها
روّح عسى روحتك روحه بلا رده=وش حاجتي بناس ماعزّت منازلها !!!

.
.

ياويلاه

أحرف من نار

و فى الصميم

وعسى ان تشفع !!!!!!!

قصيدة قوية من شاعر متميز
بس تساؤل بريئ أخوي ولاتزعل


لوكل الشعراء اذا حبوا مثل ابن مانع الله يعين ذيك المحبوبة دام زلاتها ماهيب مدموحة
وتسلم يارائع

هههههههههههههههههههههههههههههه ه .. حلوه ..




بس اتوقع اني ذكرة في مقدمة القصيده شي يجاوبك ... (...... وإليا متى زلّتك ياهووه ابقبلها)
وكذلك ذكرة في اواخر القصيده (الشي لازاد عن حده قلب ضده) ..


ومدام ان اسمك قصائد ... فلا يحتاج اشرح اكثر .. انتي افهمي المقصد لاهنتي ...


ههههههههههههههههه لاحوول

شكرا لدماثة خلقك ،مع اني توقعتك مغرور
فاغلب الشعراء رازين خشومهم
اما قولتك اني افهم المقصود ،فلاتنسى ياشاعرنا ان هم يقولون
المعنى في بطن الشاعر
ومرة ثانية اشكرك للطفك

[الغريب]

ايو الله

وش حاجتي بناس ماعزّت منازلها !!!

سعيد بن مانع

بصراحه قصيد يوسع الخاطر

صح لسانك

[نسناس الهوى]

لله درك يابن مانع ..
احساس .. بالعزّه والكرامه .. فاضت وهيّضت بوجدانك لترينا هذه الرائعه ..
صح لسانك مليون ولا هنت يالجزل ..

[يزيد النمي]

صح لسانك ياسعيد صح لسانك

[نجم الإبداع]

سعيد بن مانع

صح لسانك وسلم بنانك

نص جزل ومشاعر وافيه


لاشلت يمينك


تحياتي واحترامي

[سناعيس]

سعيد بن مانع

صح لسانك
يقولون من طول الغيبات جاب الغنايم
ونعتبر هذه الرائعه أول الغنايم

تحياتي