|
همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه |
![]() |
|
أدوات الموضوع |
![]() |
رقم المشاركة : 1 | ||
|
غناء الفنان فهد مقام حجاز
صارت تحاصرني هموم الليالي = كلما بغيت اسلى يعيّن عليّه
همّ العيال وهم الاحفاد تالي= وهم الليال المقبلات الخفيّه في وقت ماهو لي ولا له بحالي= ما ارتاح به غيرالظهورالقويّه ولاّ منافق ماشيٍ بالختالي = ياثق به اللي يوصله للبغيّه وأنا قوي بحيل عزّ الجلالي= اللي عليم بحالتي والطويّه دربي وضوح ولا عرفت الميالي= عزيز نفس وما رضيت الدنيه لو قصّرت دنياي ماني لحالي= مثلي كثيرٍ بالعنى والسجيّه صحيح انا اتألم لوضع العيالي= لاشفتهم كلٍ وحاله رديّه مابين عاطل دون ذنب وخمالي= ومابين من دخله ولا به بقيّه يقضي بتسديد الفواتير تالي = ورْسوم توخذ بين روحه وجيّه وبيتٍ اجار ومصرفٍ صار غالي= ومظاهرٍ تفرض علينا الأذيّه والمشكل إن البعض يجهل حوالي= يظن عندي ما يغطي الثنيّه اموظفٍ وصل الرجوم العوالي= مثله جمع ثروه وحاله مليّه مايدروا إنّي والأمانه خصالي= عفيف جيب وما قبلت الهديه وما اكلتهم إلا حلال الزلالي= مخافة الله منهجي والهويّه وراح العمر قانع برزق الحلالي= ازرع بهم خير السجايا النقيّه درستهم ووجّهتهم للمعالي= والرزق عند اللي خلق للبريّه فالرجل من وازن اموره عدالي= ووفّر حلاله لليالي الشقيّه حتى يعيش بعزّته كالرجالي= في وقت ما ينفعه حتى أخيّه القرش لا منّه نوى الإرتحالي= اقنعه يجلس لو عقلت المطيّه وأن اغوتك نفسك لبعض الدلالي= باكل المطاعم قل لها ومعصيّه وشلون ابامن والرقابه همالي= والأجنبي غشّه بعينٍ قويّه آكل ببيتي ضامنٍ ما جرى لي= والبذخ والتبذير ماني خويّه وإذا نويت السوق فالجيب خالي= إلاّ من اللي عن ضروره قصيّه قرشك صديقك فاحفظه عز غالي= دونه تحس الذل صبح وعشيّه |
||
![]() |
![]() |
رقم المشاركة : 2 | ||
|
الله يالعم ،، |
||
![]() |
![]() |
رقم المشاركة : 3 | |||
|
اقتباس:
سلمت لما قدمت لنا وصح قلبك والسانك |
|||
![]() |
![]() |
رقم المشاركة : 4 | ||
|
شكرا الأموره |
||
![]() |
![]() |
رقم المشاركة : 5 | ||
|
الله عليك يابو عبدالله دمت ودام ابداعك |
||
![]() |
![]() |
رقم المشاركة : 6 | |||
|
اقتباس:
شدتني ابياتك الصادقه والله المستعان علي بلاء الزمان وانا خوك لك مني اطيب شكر وتقدير علي هذه القصيده المعبره |
|||
![]() |
![]() |
رقم المشاركة : 7 | ||
|
فالرجل من وازن اموره عدالـي......ووفّـر حلالـه لليالـي الشقيّـه |
||
![]() |
![]() |
رقم المشاركة : 8 | ||
|
|
||
![]() |
![]() |
رقم المشاركة : 9 | ||
|
كلمات ونص قمة في الروعة الطائر المهاجر صح لسانك سلمت ولاهنت دمت بخير |
||
![]() |
![]() |
رقم المشاركة : 10 | ||
|
|
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 4 ( الأعضاء 0 والزوار 4) | |
|
|