اهل المحبّة . كلبوهم غلابه

[ماجد الزيد]

.

يا ملّ قلب ٍ كل ما هبّت (ا)عْصير=ضاقت عليه وجر قوس الرّبابه
حوله تغرّد طاربات العصافير=جالس ينوح وكل مافيه جابه
كلما تذكّر وجْه نوفا غدى غير=وبعد الهنا جاب العنا في كتابه
كنّ الضلوع مْنشّره بالمناشير=والقلب غادن من بعدها خرابه
بنت الزّحول فحول ربعن مشاهير=جدّانها تقنب عليهم ذيابه
امسلسلين ٍ من قبل سالم الزّير=خير البشر له في نسبهم قرابه
هذا نسبها , وزينها ما اقدر آخير=من راسها لي رجلها ينغزا به
سعدون حيّر بيضة الورْق تحيير=ونوفا تحيّر كل زين انحكى به
نوفا لو تُصفّ الحساني طوابير=الا يجيهن من سببها كئابه
اعيونها لو ينظرن كامل الجير=الا جناحه يمّ نوفا لوى به
طخما ومع هذا فهي راهبة دير=وعند اللوزام خير من ينتخى به
ما لوم قلب ٍ كل ما تطري بخير=اوشك يقطّع من بعدْها ثيابه
هذيك من غابت وهو ناشف البير=ومن قال كيفك ؟صاح .لولا الحيابه
والله فلا له من شبيهن عدى الطّير=الي فروخه شوف عينه نهابه
طاير وعينه بارقه بالصقاقير=معهم من الحرّة لحد اللهابه
يومه عزاهم , والغبينه مسامير= نشّب مخاليبه بحلق السّحابه
وجالك مذيّرها على القاع تذيير=شنّع بها من زود غلٍّ سطابه
نازل بحد الفرْس ون جاء يبي يطير=حزنه عظيم ٍ ثقّله مارقى به
ما حاله الا حال حر المواكير=يوم انّ رمح البين بالقلب صابه
بعد الحبيب اشبه بضرب السواطير=واهل المحبّه كلبوهم غلابه
يا ليتني في حدّها ساعة اعصير=لا كان ضقت ولا سحبت الرّبابه

[صنداح الزلامى]

الله الله


الشاعر القدير / ماجد الزيد


صح لسانك واعتلا شانك درر

ياماجد لفض فوك اعجابي واحترامي لك

[عذب القوافي]

الجزل / ماجد الزيد

صح الله بدنك

نص وافي

من وافي

تقديري ,,,,,

[نجم الإبداع]

صح لسانك ياماجد

شاعر مبدع وملهم

ونص مميز

لاهنت

تقبل مروري

وودي

[مبروك بن ماضي]

شاعرنا القدير/ ماجد الزيد

صح لسانك وعلا شانك

قصيده عانقت السحاب بروعتها . .

دمت بهذا الحضور وهذه الشاعريه.

تقبل فائق التقدير والاحترام

[صعبة المنال]

الله عليك يا ماااااااااااااجد

بوح فى القمة

سلمت وصح لسااااااااااانك

صعوووب

[الـزلـزال]

بعد الحبيب اشبه بضرب السواطير=واهـل المحبّـه كلبوهـم غلابـه

ماجد الزيد



بوح متقن وجزل



من شاعر عودنا على تقديم كل مميز ومتقن



أبدعت وأمتعت ياماجد رعاك الله




صح لسانك ملايين ملايين



ولك فائق تحياتي

[العاشق المحب]

صح لسانك يالشاعر الجزل
والقصيده جزلة

[همس الورد]

صح لسانك مليون

و صح بدنك

و اعتلا شانك

تحيتي

[داعي الشوق]

صح لسآآآنك يالشاعر الظاهرة

ماجد الزيد

شاعر جزل بمعنى الكلمة

سلمت و صح لسانك

مع التقدير لك

،،،،،،،،،،،،،،،،،،،،،