حكاية البوح ..

[عبدالعزيز الدهمشي]

بسم الله الذي لايضر مع اسمه شيء ..



أحبتي ..
عمتم صباحاً/ مساءاً ..

مدخل :

يالصاحب اللي عن سكوتي نزعني = وش عاد ينفعك الكلام ان حكيته ؟
خل الشقى يبقى بالاضلاع .. طِعني = خله .. فمالك حيلةٍ لو شكيتـه ..

ياصاحبي ..
حزن الحنايا .. صاح بي ..
وهمي سطى وانزاح بي ..
عن عالمك ..
والله ماني ظالمك ..
عيشك رغيد ..
تفرح بـ عيد ..
والحزن ماسهّر عيونك ..
ولا غيّر اشيائك وكونك ..
والحين جاي تقول لي ..
وش مسهرك ..؟
وش متعبك ..؟
ياصاحبي ..
كلك وفا ..
لكن طلبتك خلّني ..
برسم على وجه السهر ..
جفنٍ تعنّى ماغفى ..
واكتب على صدر الزمن .. :
أفااا أفااا أفااا أفااا ..
..






متواضعه .. لها شرف مروركم ..
سائلا المولى عز وجل ان تنال ولو القليل من الرضا ..

صلوا على النبي ..

ياصاحبي والضيق .. أمره مسلَّم = لو فاح.. خلّه .. في وسط صدري يفوح
لاتنشد اللي مـا شكـاك .. وتظلّـم = من لاشكى لك .. لا تحدّه على البوح
بعض الألم .. يفرض عليـك اتّكلّـم = وبعض الألم بوحه مثل طلعَة الروح
وبعض القلوب من الجـروح أتّعلّـم = وبعض القلوب تقضّي العمر بجروح
ليه اكشف آلام المحاني .. واعلّم = وانت بتواسيني لك شوي .. وتروح
حتى ولو انك لجرحي .. تألم = ماذقت طعم الجرح .. والحزن .. والنوح
من لا يعالـج قلبـه .. اليـا تثلّـم = ما للبشر بمعالجه .. أي مصلـوح
هذا جديد القلب .. واسلم وسلّم .. = ولا عاد تنشدني عن حكاية البوح

مخرج :

ياصاحبي ..
تصبح على خير .. ودفا

محبكم ..
عبدالعزيز الدهمشي ..

[نجم الإبداع]

ارحب ياعبدالعزيز

وصح لسانك على المصافحه الراقيه

لاهنت

تقبل مروري

وتقديري

[صعبة المنال]

الله الله
صح لسااااااااااانك

صعووب

[الطامي]

الدهمشي
صح السانك ملايين
جزلة من جزل
لافض فزك اخي

[حي الضمير]

صح لسانك وعلا شانك
قصيده رائعه وابدعت يامميز
أجزل التحايا والاحترام

[نفحات حساسة]

صح السانك..
ولاهنت..قصيده رائعه
تسلم ودام حرفك..
تحياتى لك وتقديرى..

[داعي الشوق]

صح لسانك و أعتلا شانك

قصيده رائعه كما هو حضورك دائما

تحيتي لك مع التقدير

،،،،،،،،،،،،،،،،،،

[منيع]

ابيات رائعه ومميزه
بارك الله فيكم
تحياتي وتقديري

[زهرة اللوتس]

الدهمشي
صح السانك ملايين
جزلة من جزل
لافض فوك

[حوريه]

ياصاحبي والضيق .. أمره مسلَّم=لو فاح.. خلّه .. في وسط صدري يفوح
لاتنشد اللي ما شكاك .. وتظلّم=من لاشكى لك .. لا تحدّه على البوح
بعض الألم .. يفرض عليك اتّكلّم=وبعض الألم بوحه مثل طلعَة الروح
وبعض القلوب من الجروح أتّعلّم=وبعض القلوب تقضّي العمر بجروح
ليه اكشف آلام المحاني .. واعلّم=وانت بتواسيني لك شوي .. وتروح
حتى ولو انك لجرحي .. تألم=ماذقت طعم الجرح .. والحزن .. والنوح
من لا يعالج قلبه .. اليا تثلّم=ما للبشر بمعالجه .. أي مصلوح
هذا جديد القلب .. واسلم وسلّم ..=ولا عاد تنشدني عن حكاية البوح

عبدالعزيز الدهمشي


صح قلبك ملاييين


مدخل ومخرج رائعين


وابياااات جميله كجمااال حضورك


لاخلا ولا عدم


.......