كون ربك فسيح وجاور المحسنينا

[نجم الإبداع]

يالله اطلبك يالله ياعظيم العطايا=تنصر الدين وتذل العدا الكافرينا
ياخفوقي ليا ضاق الافق بالزرايا=كون ربك فسيح وجاور المحسنينا
شد عن ديرة اهل الحسد سود النوايا=غيّر الجيره ويا ماكثر المسلمينا
اللذي صنتهم بالود بين الهدايا = جازو الطيب والمعروف له منكرينا
بعد مابان منهم كيد بين الطوايا= عفت ديره بها المغتاب والحاسدينا
اهل الاسراف واهل البخل واهل الروايا=اللذي مالهم للزيف والمادحينا
التفاخر يحاصرهم بكل الزوايا = خفة العقل فيهم للخلائق تبينا
صورو حولهم هاله مع اهل الغوايا= ثم جابو لوصلة حفلهم كاتبينا
قالو انا بلغنا في المعالي النهايا = وان فصل الكلام اللي نقوله متينا
شورهم من غراب البين بين السرايا=وان تكلم نقص من هرجته كلمتينا
اهل الاحقاد بين الخلق سوو سوايا= من عقول التخلف زادو المرجفينا
ان لقيته ضحك لك مايبين الخفايا = وفي القفى حد سكينه مع الطيبينا
مادرى ان الله الوالي لكل البرايا = حرم الحسد والغيبه على المؤ منينا
ثم صلو على محمد كريم السجايا=النبي المبجل سيد المرسلينا

[الطائر المهاجر]

نطقت فابدعت
وشرحت فأوجزت لما يعاني منها المجتمع من جهل وغرور وبعد عن الواقع
صح لسانك ملايين ولا تكفي
تحياتي

[ساهر الليل]

راااائعه يااانجم

ابدعت في طرحك

وعساك عالقوه دوووم

تقبل تحيااتي

[هترل]

صح لسانك يانجم
ودام ابداعك يالامير

ودي

[حرف وشعر]

اللهم آمين يابومحمد ،،

صح الله السانك على هكذا نص ،،

[منيع]

جزل ومبدع
شكرا لكم
تحياتي

[الطامي]

صح السانك بو محمد
ابداع متجدد كالعاده
شكرالك

[داعي الشوق]

( ضحوك الثنايا ) لا تليق برسول الله صلى الله عليه و سلم .

ليتك قلت غيرها يا بو محمد . و ما تصعب عليك

[عبدالله السويلم]

صح لسااانك يابومحمد

وانا منيب مع ابوسعد في انتقاده

عادي يابوسعد مافيها شي

ورد في الاحاديث انه يضحك حتى تبين ثناياه
صلى الله عليه وسلم

[داعي الشوق]

المشاركة الأصلية كتبت بواسطة عبدالله السويلم

صح لسااانك يابومحمد

وانا منيب مع ابوسعد في انتقاده

عادي يابوسعد مافيها شي

ورد في الاحاديث انه يضحك حتى تبين ثناياه
صلى الله عليه وسلم

هلا بو جهاد .

من الطبيعي الواحد اذا ضحك بانت ثناياه ، لا خلاف فيها

هات الحديث خلنا نصحح معلوماتنا و نستفيد منك