ياوجــــودي وجــد من فوق فكساره ســرى**مالـــقى في داره أحدن يحـــقق مايبيـــه

[عايض ابوشيبه]

ياوجودي وجد من فوق فكساره سرى=مالقى في داره أحدن يحقق مايبيه
يعشق المقناص واقفى بلاناس اخشرى=ضاع بين أهل المعاصي وسودان الوجيه
صار وجده شبه وجدي على اللي قد جرى=كل منا ما تحصل على مايشتهيه
عمري اللي مادريت إبه وهوبي مادرى=ينسرق مني ويمضي ولا حسيت فيه
ودي إني فيه لي حكم ورجع به ورى=ودي إنه يحتريني ووقف وأحتريه
كل ما فكرت في يوم دفني باالثري=لادفني من سبق كان يجيني وجيه
مابرى همي ولو قلت همي قد برى=موتي أدري يقتفيني وانا ما بقتفيه
ودي إنه ماطرالي على غيري طرى=كان زين الارض ماحصل اللي يشتريه
العبر ياكثرها بس حنى مانرى=كل منا كن حوله ظلامن يكتسيه
نكسي الأجسام والقلب ساكن باالعرى=تاركينه للهوى والمعاصي تحتويه
لودخلت أبوسط قبرك ألاياهل ترى=عندك أعمالن تخليك وسطه ماتتيه
من على دنياه لاعاش بالطاعة ضرى=بإذن ربي من عذاب المقابر يحتميه
كم ضعيفن للمعاصي تقترب واشترى=صارللشيطان طايع وهمه يعتليه
من على فعل المعاصي تقدم وأجترى=مادرى بإن المعاصي هي الجاني عليه
بعض من يقرى عن الدين كنه ماقرى=ماعرف وش منهج الدين واللي يحتويه

استاذى

قصيده تتربع بين الضلوع
لجمالها وما تحمل من الحكمه
الله يرحمنا برحمته ان شاء الله

وصح لسانك
مدد بلا عدد
ولاهنت


تحيتى لك واحترامى

عايض ابو شيبه

يامرحباااااا مليووووون

،

وهنا

مصافحه رائعه
بل اكثر من رائعه

صح لسانك واعلا شانك
واااصـــــل
ولاتحرمنا من جديدك

تحيتي

[كريمة محمد]

شاعرنا المبدع المتألق عايض
كلماتك وابياتك فى منتهى الروعة
فأنها تعبر عن احاسيس كثيرة
تسلم لنا اناملك اخى
ودمت ولا هنت
تحياتى الطيبة لك

شاعرنا الكبير



صح لسانك ملايين تملا موازين 00 لله درك على هذه الجزاله 000

[نجم الإبداع]

الله الله

صح لسانك ياعائض

قصيده راقيه وصور بلاغيه وافيه

لاهنت

تحياتي وودي

[الخنساء]

كل ما فكرت فـي يـوم دفنـي باالثـري
لادفني من سبـق كـان يجينـي وجيـه
مابرى همي ولو قلت همـي قـد بـرى
موتي أدري يقتفينـي وانـا مـا بقتفيـه
ودي إنه ماطرالي علـى غيـري طـرى
كان زين الارض ماحصل اللـي يشتريـه
العبـر ياكثرهـا بـس حنـى مانـرى
كل منـا كـن حولـه ظلامـن يكتسيـه
نكسي الأجسام والقلب ساكـن باالعـرى
تاركينـه للهوى والمعاصـي تحتـويـه
صح لسانك اخي الشاعرابو عايض
لاهان راسك قصيدة راااائعة
سلمت وسلم شعرك
دمت بخير

قصيــده جــزله من شــاعر جزل فليس غريب عليك

بيض الله وجهك على القصيده

[ياسر حامد الجهني]

الله يبيض وجهك يا عايض على هذه القصيدة التي تحمل كل معاني القصيد الجزل والهادف

تحياتي لك وإلى الأمام إن شاء الله

[الريم]

الشاعر القدير/عايض ابو شيبه

صح السانك
صح فكرك
سلمت يمناك

علقصيدة القمه في الروووعة مشا الله