مثل ما انت شايف /// للشاعر / ابو مياس

[حمد العيد]

بين نزف المشاعر وبين عطب الجروح=وبين حمرة خدود وبين لمياء الشفايـف
وبين غصنٍ تمايل وبيـن وردٍ يفـوح=ضعت كلي بحبه مثل مآ انت شايـف
ضعت انا بين جده وضعت بين المزوح=مثل ماضاع حرٍ في بـراد المصايـف
فيه كل الغموض وفيه كـل الوضـوح=وان تكلم تحدر مـن لسانـه طرايـف
وان سكت قلت خلي نجلك اللي تبـوح=ياسر القلب رمشه ياعديـم الوصايـف
انتثر واتبعثـر ويـن ماهـي تـروح=والله اني على عمري شفوقٍ وخايـف
داخل القلب قامت له جميل الصـروح=في خفوق المولع ساعيٍ بـه وطايـف
لاتغيب دقيقه قلـت انـا ويـن اروح=ضاق صدر الشقاوي عل ماهو بعايف
ولاحظر فز قلـبٍ بالمحبـه شفـوح=ولو طلب كل غالي قلت مامن كلايف
مثلها صعب نلقى قلب مخلص نصوح=ومثلها بالبشر لـو راح والله حسايـف
واخر الوصل همسه جيت كلي طموح=جيت والحب عندي كالجبل دوم نايـف

للتـحـمـيل

[ابومياس]

حــمد العيـــد
اخي الحبيب

بيض الله وجهك امتعتنا بالاداء واللحن الجميل

الذي صاغة فنان له حس مرهف

سلمت ودمت ماقصرت يالغالي

دمت بخير وعافية

[الحــ فهد ــربي]

ماشاءالله تبارك الله إبدااع لا حدود له في الكلمات وفي الصوت وفي الحن ..

صح لساان الشاااعر ابو مياس وسلمت ريشة المبدع حمد العيد ..

[عبدالله راشد الثويني]

الله عليكم

كلمات رائعه

لحن مميز

كل الشكر للمبدعين
أبومياس
وحمد العيد
ولا عدمناكم

تحيتي لكم

[الطائر المهاجر]

بيض الله وجيهكم
كلمات رائعة وغناء رائع
ثنائي حايلي مميز
تحياتي الطيبة

[عصام عبد الحميد]

اخى الفاضل / حميد

شكرا لك ما اتحفتنا به

من كلمات للشاعر ابو مياس

ودمتم بحب

[ابراهيم عبدالحميد]

أسجل
بكل إعجاب و تقدير
تحياتى لإبداعكم المتألق
دمت و سلمت لنا

[صوت الإحساس]

روعه عمل متكامل



كلمات ولحن وصوت




من القلب للثنائي الرائع



أجمل تحية



لكم الحب الصادق

[الطامي]

حمد العيد
صح السان الشاعر ولسان الملحن
لاهنتو جميعا
اعجاب × اعجاب

[سناعيس]

صح لسانك يا ابو مياس
والله يعطيك العافيه اخوي حمد
على هذا الآداء والصوت الرائع

تحياتي