البرمجه لاجت بوقت الطفوله

[الطائر المهاجر]

البرمجه لاجت بوقت الطفوله= نقش بحجر ما ينمحي طول الايام
وحنا تبرمجنا بيسر وسهوله= على ايادي من جهل دين الاسلام
ملا وشيخٍ باحث عن سيوله= او خادم لتنفيذ امرٍ لرسام
تلقاه يفتي دون علم ودلوله = ويفخر بأنه صار في قلب الاعلام
واتباع واجد من شباب وكهوله= وكلٍ بلاتدقيق ياخذ بالاوهام
ومنهو يخالفهم بفعله وقوله = كافر وملحد مستحقٍ للاعدام
وقرآننا واضح ولا به جهوله = لكل من تدبر في نصوصه والاحكام
لابد ما نفهم لداعي نزوله = ووقت النزول لكل آيه بلا اعتام
اللي نزل في مكةٍ في شموله= بداية البعثه لتحطيم الاصنام
واللي بيثرب بعد تأسيس دوله = ارسى قواعدها والاحكام الزام
سن الجهاد لردع مجيّش خيوله=لغزو البلد من شان هدم للاسلام
ماهو لقتل اللي بريئه فعوله = مسالمٍ ماهو لشرٍ ولا خصام
مهما يكن مذهبه والاّ اصوله= فالدين لله من يحاسب للانام

[منيع]

احسنت القول تصوير ومدلول واقعي
شكرا لك ولحرفك الرصين دائما
تحياتي

[داعي الشوق]

برمجه خبيثه من اعداء المسلمين .
ع قول الشاعر .. دنيا تقلب ولا ندري بعواقبها .. الله يكفينا شرها

.. صح لسانك بوعبدالله

ابدعت واجزلت ياجزل

ولاهنت

[بنت النور]

عندما تتغير الإنفس يتغيرالفكر

الله يكفينا من كل شي سئى
صح لسانك واطال الله عمرك
على هذي الكلمات الراقيه

ابدعت واجزلت ياجزل

ولاهنت

[الطامي]

صح السانك يادكتور
ابدعت لافض فوك
ولاهنت

[حرف وشعر]

نص جميل وواقعى يالامير ،،

صح بوحك ،،

[نجم الإبداع]

صح لسانك دكتورنا وحكيمنا الفاضل

ولاهنت