وفي عينها دمع لين قلبي القاسي ...؟!

[ابوعبدالرحمن القريشي]

في هذه القصيدة حاولت ان اصور لكم موقف تلك الطفلة اليتيمة
في صبيحة يوم العيد والذي يكون فيه الانسان عادة في غاية الفرح والسرور
وتلك الطفلة وكانها لاتعلم ان الناس في عيد

اغرورقت عيناي بعد ذلك الموقف فجاءت هذه القصيدة

كل(ن) ينادي نهار العيد يا يمه=وين الثياب الجديدة ؟؟هاتي لباسي
الناس تضحك.. وهي بالحيل مغتمه=ما للفرح في ضميره شي ينقاسي
لوحدها واقفه .. والناس ملتمه=تحمل هموم(ن) بوسط القلب وتقاسي
قامت تلفت يمين .. يسار.. مهتمه=وفي عينها دمع ليّن قلبي القاسي
وصاحت تنشّد عن اللي راح بالذمه=وتردد الصوت .. يمه.. يووه.. للناسي
طفله يتيمه وكف الموت شال أمّه=وصارت تناظر لكل الناس باحساسي
يارب ترفع مقام البنت بالقمه=وتعوضه خير عن ابو(ن) لها ناسي

وسلامتكم ...

اخوكم .... راعي كيف

[الطائر المهاجر]

صح لسانك واعتلى شانك ياراعي الكيف
جزلة من راس جزل وشاعر متمكن
استطاع في هذه الدرة تصوير حالة اليتيمة
ولكن سيظل السؤال
هل راعي الكيف هو اللي في شبكة شمر
ام واحد ثاني
لاهان راسك
تحياتي

[ابوعبدالرحمن القريشي]

استاذي الطائر المهاجر

اشكرك على هذا الاطراء الجميل والذي يعتبر وساما في سجلي الشعري
اعتز به وافتخر به .

وبالنسبة لسؤالك

هل راعي الكيف هو اللي في شبكة شمر
ام واحد ثاني

فأنا بهذا المعرف لم انشر اي قصيدة الا في هذا المنتدى فقط

ويبقى السؤال الآخر

هل الطائر المهاجر هو شاعر العثمانيات في بوابة العرب ؟

دمت بود

[الطائر المهاجر]

اكيد مافيه احد غيري بهذا الإسم
شاعر العثمانيات/الطائر المهاجر/عثمان العبدالله
لاتكون من زملائنا القداما في البوابه ولا انتبهت ،

[ابوعبدالرحمن القريشي]

بلى وكم طربت حينها على اشعار الطائر المهاجر
ولكن لظروف خاصة انقطعت عن المنتدى ولما عدت
وجدت نفسي غريبا بينهم . لان من اعرفهم لم يبقى منهم احد
فآثرت الرحيل .

[عبدالرحمن الصباح]

صح السانك وعلا شانك والله يعوضها خير

[يوسف الشقران]

طفله يتيمه وكف المـوت شـال أمّـه=وصارت تناظر لكل الناس باحساسـي
يـارب ترفـع مقـام البنـت بالقمـه=وتعوضه خير عن ابو(ن) لها ناسـي

الواحد لما يفكر بهالامور اكيد يحزن ويغتم

فعلا امر محزن

صح لسانك وماقصرت

تقديري لك

[منيع]

ابيات رائعة ومعبرة
بارك الله فيك على هذا الحس الانساني النبيل
تحياتي

[إستبرق]

الشــآعــر

رآعــي آلكــيف ..

متــجدد بطــرحكـ لمـثـل هـذه القصـآئـد المـؤثــرة ..

فـلآ آنسـى قصيـدتـكـ .. يـآ ميمتـي ..

بآبيـآتـكـ .. عيشتنــآ بآلـمـ المـوقـف ومعـآنـآة هـذه الطـفـلـة ..

صـح لسـآنـكـ .. وسـلـمـ فكـركـ ..

ولـآ عدمنـآ آلله جـديـدكـ ..

ودمـت بخـير آخــي ..

آعذب التحـآيـآ ..

إستبرق

[ابومياس]

راعي الكيف

قصيدة تعج بالالم ووالحزن

ولكن يصاحبها الجمال والجزاله

صح لسانك وودام راسك

دمت بخير وعافية