قصيدة المقناص:((في وصف الطير والمقناص))

[عبيد دعيع القلادي]

اخواني واخواتي اعضاء وزوار هذا المنتدى

اسعد الله اوقاتكم بكل خير

الهواة القنص با الصقور

أمل ان تحوز على رضاكم

لاوالله الا تو مابالي انساح=يوم ان مزن الوسم لاحت بروقه
وراع الولع يجيب للطير ملواح=غير له البرقع وجدد سبوقه
وانابعد بالمثل جهزت وضاح=يعوق خرب(ن)وان تعذر لحوقه
ناب الثنادي والجناحين نزاح=ادعج تقول مخضباتْ اشنوقه
كاشف تقل بين الجناحين مصباح=اشقر تقل جمر الغضى حط فوقه
افجح وسيقانه قصيرات ذباح=ضربات كفه ماتخيط فتوقه
نبي على المقناص مع فج الاصباح=قبل شعاع الشمس يبدا شروقه
مع ربعت(ن) شفقين عجلين ولحاح=كل(ن) على المطلاع نفسه تسوقه
من فوق شهب(ن) لجرد الخد تجتاح=اسبق من الشيهان مومي اخفوقه
نباء الديار الي محاني وصحصاح=شرقي شمال مريط بقصى عروقه
شمال من فيحان وغرب ام رماح=جنوب من الانبط وعقرب والوقه
يم الديار الي لها القلب يرتاح=هي منوة الصقار شفه وذوقه
فيها الحباري بين ممسى ومصباح=في وسط سدر(ن) كل نبقه تذوقه
ياحلو جرتهاتقل نظم مسباح=بين العرافج مثل مشي السروقه
يبرا لها خربْ(ن) تقل لون تمساح=هذا يقطع له وهذا يسوقه
ليا من طارن لجوا الصوت بصياح=ووضاح جاهز ثم فكوا سبوقه
واحد تعلى بالسماء وواحد(ن) طاح=وضاح يم الي تعلى يعوقه
وشوي في كفه يلولح تلولاح=مره يجي تحته ومرات فوقه
ثم اجتمعنا في تعاليل ومزاح=وفنجال بن(ن) للنشامى نسوقه
في روض(ن)أخضر نبته الشيح فواح=يامحلا اليافاح ريحةنشوقه
هذي حلات العمر والي مضى راح=نفسي على حب النشامى شفوقه
واليا نتهى المقناص ننكف مرواح=كل(ن) يبي لديار حيه وشوقه

[داعي الشوق]

و صح لسانك مليووووووون

يالشاعر عبيد

[سناعيس]

صح لسانك ياعبيد
وبيض الله وجهك
على هذه الوصفية الجزله

لاهنت


تحياتي

[الطامي]

القلادي
صح السانك ملاين
جزلة ووافيه لافض فوك اخي
شكرا لك

[الخنساء]

صح لسانك واعتلا شانك

قصيدة رااائعة من شاعر متمكن

سلمت ودام حرفك

[منيع]

ابيات رائعه ومميزه
بارك الله فيكم
تحياتي وتقديري

[الـزلـزال]

عبيد القلادي
قصيده جزله ومتقنه ومميزه
من شاعر رائع ومتميز في كل مايقدمه
أبدعت غالينا في وصفك ومعانيك بكل جزاله
صح لسانك ملايين ملايين
ولك فائق تحياتي وتقديري

[نجم الإبداع]

الله الله

صح لسانك ياعبيد

مصافحه راقيه من شاعر مبدع

لاهنت

تقبل مروري

وتقديري

[حي الضمير]

صح لسانك وعلا شانك
قصيده رائعه
ولا عدمنااااك
أجزل التحايا والاحترام يامميز

[صعبة المنال]

صح لسااانك

صعووب