في زمانٍ غدى الانسان عبد الفلوس

[الطائر المهاجر]

في زمانٍ غدى الانسان عبد الفلوس=المبادي تلاشت والمرض بالنفوس
في زمان المهايط والمدح والنفاق = مابقى من رجال غير شبه التيوس
في زمان التردي والعرب بانبطاح= في زمان انفتاح جاء بليا دروس
كل وحده تفكر بالكسب لو عجوز =والعوايل تشتت في طلاق وعنوس
في زمان الصهاين يكسبوا للسباق=والعرب مع بعضهم اعلنوها بسوس
لين شفنا التشرد والقتل والدمار= وكل واحد يعاني من فعال النجوس
بعض بلدان العرب في حروب وفساد= ومن يظنه بمأمن مخطيٍ بالهجوس
بين غرب وشرق مالقوا من معين=وارضهم بين ترك او يهود ومجوس
الصهاين بأموال العرب يشترون = كل قوه عظيمه فارضه للمكوس
في زمان الخيانه والسرق والعماله = كل واحد بنفسه لو لاخيّه يدوس
المهم كيف يكسب من حلال وحرام= لو يموّت ضميره من حرام الكؤوس
من يقول الحقيقه صار خاين عميل=ومن ينافق ويمدح كاسبٍ للفلوس
يا زمان التردي وش بقى من جديد = العرب في حضيضٍ بعد كانوا رؤوس

[منيع]

نعم كلام في الصميم يادكتور
شكرا لك ولحرفك المعبر المميز
تحياتي لكم

[الطامي]

صح السانك دكتور
قلت فأوجزت وأبدعت لافض فوك
ولاهنت

[داعي الشوق]

الله يصلح الحال
وصح لسانك وحالك ابوعبدالله
ابدعت ياشاعر العرب ولاهنت

[الطائر المهاجر]

شكرا منع
على كريم المتابعه
لاهنت
تحياتي

[الطائر المهاجر]

شكرا الطامي
على كريم المتابعه
لاهنت
اطيب التحيه

[الطائر المهاجر]

شكرا داعي
على كريم المتابعه
لاهنت
تحياتي

[داعي الشوق]

جزله وجميلة تستحق العوده
صح لساانك مدد

[الطائر المهاجر]

شكرا داعي
على كريم المتابعه
لاهنت
اطيب التحيه

[الطائر المهاجر]

شكرا لكل من مر هنا
لاهنتوا
اطيب التحيه