عذب الحكاوى ,, للتواصل

[حرف وشعر]

قلبى على دقات بق بن= يدق لك وقت الحراوى
يغلى بجوفى غلية البن= لاجاه من حر اللضاوى
وسهم الهوى لامن تمكن =فى مهجة الشخص الهواوى
مايسعفه انس (ن) ولاجن= ولا طبيب(ن) له يداوى
قلبى من اسباب الغلا حن= صابر على ياس ورجاوى
من طول صبره قلت انا جن=يشكى ولا له من عزاوي
انته معى ولا معا من=توهتنى وسط الحزاوى
عزاه من وجد (ن) توطن=فى لبة القلب الشقاوى
سنع المحبة والهوى فن= مايدركه غير الهواوى
يصغير التجريب والسن=خذنى على ذيك الهقاوى
خذنى حبيى واحسن الظن=دامك على الاحسان ناوى
واسمر معى دام الدجا جن=مسمر انا ليلى خلاوى
بسمة اشفاك وضحكة السن= حسبى عن اعلاج المداوى
واحكاك مثل الشهد والمن=واحلا من التمر الحساوى
عذب الحكاوى لك تعنن= عنوانهن عذب الحكاوى

[منيع]

مبدع وجميل يامحمد ال عمران
شكرا لك
تحياتي

[عبدالعزيز البليهد]

سلمت وسلم بوحك العذب

[حرف وشعر]

المشاركة الأصلية كتبت بواسطة منيع

مبدع وجميل يامحمد ال عمران
شكرا لك
تحياتي

هلا مليار يااخ منيع وشكرا لمروك الراقى

[داعي الشوق]

صح لسااانك حرف وشعر

ولاهنت يا مبدع

مع تحياتي لك

[كظيم]

حرف وشعر
سلمت وصح لسانك
قصيده جزله ووافيه ابدعت فيها يالغـلا
تقبلني وتقبل مروري المتواضع لاهنت
ودي وتقديري

[الـزلـزال]

حرف وشعر

نص رائع وجميل
من شاعر متميز ورائع في حروف شعره
أبدعت وأمتعت شاعرنا
دمت بسلام ودام لنا حرفك
صح لسانك ملايين ملايين
ولك فائق تحياتي وتقديري

[الراقي]

صح لسانك

ولا هان بوحك الجميل

امتعت و ابدعت

و دام نبضك

[عطر الياسمين]

صح لسانك قصيده جزله من شاعر جزل ومتجدد الأبداع
تقبل خالص تحياتي

صح لسانك ويعطيك العافيه

تحياتي