((( لهيب البعد )))

[محمد بن عمار]

السلام ‏ عليكم ورحمة الله
عندما يهيمن العقل الباطن
على صومعةالفكر بعملية
من نسج الخيال ، في شطحة
شروده تتحد المواقف الايجابية
والسلبية بالتعامل مع اللامعقول ،

دفنت آمالي بصدري بعدما ماتت بلحظات = وواسيت المشاعر مرسل فكري يعزيها

أليمة ، هي المحبة من طرف واحد
والأدهى والأمر مصاحبتها بذكرى
مطبوعة في الوجدان ،

وأشعلتي لهيب البعد في وسط الحشا شمعات = أخذتي نورهن والنار في قلبي تركتيها

لذوائقكم الراقية وشموخكم
الأدبي الرفيع هذه المشاركة

.............................. ..................... ((( لهيب البعد )))

توقـّظ هاجس أفكاري ، يذكرّني زمان ٍ فات = يصوّر لي ليال ٍفي الحقيقة كنت ناسيها
جلست أسترجع الذكرى على ماشفت من حسرات = من أيام الطفولة عقلي الباطن يقاسيها
أحاول أزرع البسمة ، بثغر ٍ يلفظ الونات = على آمال ٍ بقلبي ، قد توفتّ ، مع أمانيها
زرعتك في شفاه ٍ ناشفه من قلة البسمات = لأجل تحيا عروق ٍ ميّت ٍ إحساسها فيها
دفنت آمالي بصدري ، بعدما ماتت بلحظات = وواسيت المشاعر مرسل ٍ فكري يعزيها
أغالط نفسي بنفسي وأقول إن الأمل مامات = ولي عشرين عام ٍ صدمته مازلت أعانيها
رسمتك واجهت مستقبل ٍ إغتالته طعنات = جحودك ! والهجر خصله بطبعك ما أدانيها
فرشتي الهم في جوفي ، وغطيتيه بالزفرات = توسّدتي الخفوق ،، وخافي الونّة ، صنعتيها
وأشعلتي لهيب البعد ، في وسط الحشا شمعات = أخذتي نورهن ، والنار في قلبي تركتيها
بذرتك في الصدر زهره تغذى من رحيق الذات = وجففت الموارد في العروق وصرت أراعيها
أخذتي من خلاصة صحتي ماطاب من ميزات = و تركتي لي جروح ٍ غايره إحترت أداويها
تناسيت الجروح وقلت أبا أفتح للأمل صفحات = ولكن سيرة الفرقا ، مع أفكاري تباريها
لمحت النورفي وجهك شعاع ٍ غاشي النظرات = و رمش ٍ واقف ٍ دون العيون السود حاميها
شهقت وقلت لك عمري خذيه وهاتي العبرات = أبا أبكي و ألمح البسمات في الوجنة مواريها
ولو إن الفرح ما قد تكرّم في العمر ساعات = ولكن قلت أبا أصنع ، فرحة ٍ لعيونك أهديها
عزفتك باللحن موال ، وغنيتك ، مع الأبيات = كتبت بحبر ، من دمي ، قصيدة لك أغنيها
ومن بحرك طويت شراعي وسلمّت للموجات = تقاذف ، لين يرسي مركبي ، بأبعد شواطيها
وأنا ما أملك دليل ، اللي تسوينه ، ولا إثبات = سوى قلب ٍ يحبك ، والشهادة جاحد ٍ فيها

مودتي لإصغاءكم ،

محمد بن عمار

[عبدالعزيز العمار]

الله الله الله يابن العم

ملحمة فكرية على شاطئ الشعر الجميل

اتحدت فيها الأفكار مع الخيال لتصف لنا المعقول واللامعقول

ونتج عن ذلك الإتحاد إبداع شاعر يروض الأفكار على طريقته الخاصة

صح نظمك وفكرك ولله درك أمتعتنا بهده الملحمة الرائعه والجزله

تقبل مروري وخالص تحياتي وتقديري

[الطامي]

م بن عمار
صح السانك ملايين
واهل القمه الى القمة دائما ًً
شكرا لك بما طرحت
لاهنت اخي

[عبير الورد]

صح لسااااااانك ملايين
سلمت وسلم منطوقك الجزل
ربي يعطيك العافية

[داعي الشوق]

سلمت و سلم منطوقك يا بن عمار

و صح لسااانك مليار

كتبت و ابدعت يا مبدع

و لاهنت

و صح لسانك حتى ترضى

مع تقديري لك يالشاعر

***********

[الطائر المهاجر]

سلمت
وصح لسانك وقلبك
وترى العقل الباطن ما ينكشف للواحد بنفسه
لابد من مختص يكشف عنه اثناء التنويم المغناطيسي
إلا إذا فيه احد نومك وقالك عن اللي فيه
جزلة وطيبة من راس طيب
تحياتي

[الخنساء]

جلست أسترجع الذكرى على ماشفت من حسرات

مــن أيــام الطفـولـة عـقـلـي الـبـاطـن يقاسـيـهـا

أحــاول أزرع البسـمـة ، بثـغـر ٍ يـلـفـظ الـونــات

علـى آمـال ٍ بقلـبـي ، قــد تـوفـتّ ، مــع أمانيـهـا

زرعتـك فـي شفـاه ٍ ناشـفـه مــن قـلـة البسـمـات

لأجــل تحـيـا عــروق ٍ مـيّـت ٍ إحسـاسـهـا فـيـهـا

دفنـت آمالـي بصـدري ، بعـدمـا مـاتـت بلحـظـات

وواسـيـت المـشـاعـر مـرســل ٍ فـكــري يعـزيـهـا

أغالـط نفسـي بنفسـي وأقــول إن الأمــل مـامـات

ولـي عشـريـن عــام ٍ صدمـتـه مـازلـت أعانيـهـا

صح لسانك مليوووون ولايكفووووووون
قصيدة جزلة من شاعر متمكن
سلمت ودام حرفك

[سناعيس]

احنا قرينا ما اصغينا ههههههههههههه

بس ولو صح لسانك وبيض الله وجهك

دائما جزل

لاهنت

تحياتي

[صعبة المنال]

أحــاول أزرع البسـمـة ، بثـغـر ٍ يـلـفـظ الـونــات
علـى آمـال ٍ بقلـبـي ، قــد تـوفـتّ ، مــع أمانيـهـا

صح لساانك

صعوووب

[عبدالعزيز العمار]

صح لسانك يابن العم وجاد بيانك

لا أخفيك أنني وبحق عدت لها لجمالها وروعتها

دمت بود وتقبل تحياتي وتقديري