Break .. وقت مستقطع .!

[صالح بن فارس]

ابتدينا وقت مستقطع وقررنا الغياب = أربعة أيام أو خمسه ، واذا طالت سبوع .!
الظروف ، البعد ، والأشواق ، وأْلوان العتاب = وصلتنا لآخر محطه على متن الخضوع
صمت ، حزن ، فراق ، نظرات اضطراب = الصور غابت عن العينين ؛ ما غاب الرجوع
مرت أول ساعه .. بتوقيت عصر الإنقلاب = والشوارع فاضيه بالرغم من كثر الجموع
الصفاء اقتص من جده وأودعها الضباب = والسكون استولى عالضجه وجرجرها خنوع
صرت أدور أوكسجيني بين ضيقه واْكتئاب = وانثر .. فتات الأمل للشوق قبل يموت جوع
تطرح اللحظه وتجمعني وتغلط فـ الحساب = والنتيجه : قلبي الساقط بفصل أْول ضلوع .!
ابتدا الإحباط يسقيني باحاسيسه سراب = والحزن يجتث من ساسي ويتركني فروع
صح هي ؛؛ ساعه ولكن كنها عام اغتراب = كيف تنسى الظلمه المستوحشه أنس الشموع .؟!
هاتفتني يومها والشمس ينهزها الغياب = وقبل لا تهمس لي : آحبك ، شكت منها الدموع .!
أثر عقرب ساعة الهجران وداها وجاب = حتى لحظتها تظاهي لحظتي ضيقه ولوع
بعدها خذنا قرار العفو في حق الغياب = واحتفل إحساسنا والشوق في يوم الرجوع

[رفيع المقام]

شكرا لإمتاعنا بإبداعك
لاهنت
تحياتي

[داعي الشوق]

صح لساانك يا بو فارس

عدت و العود احمدو

و الحمدلله على السلامه يالشاعر

و لاهنت على الابداع المتجدد

شاعر حضورك جميل دائما

تقديري لك

ولاهنت

************

[الراقي]

صح قلبك وروحك ووجدانك ..

أكثر من رائعة

[الطامي]

صالح
صح السانك ملايين
رائعة جدا ل
اهنت اخي

[حي الضمير]

صح لساااااااااااانك
قصيده رائعه وابدعت
سلمت يمناك

[عبدالعزيز العمار]

صالح بن فارس

صح لسانك وجاد بيانك

قصيدة طيبه وجزله من شاعر مايجيب الا الجزل معه

لاهنت ولاهان حرفك ونظمك

تحياتي وتقديري

[عبدالله راشد الثويني]

صالح بن فارس
حياك الله يالغالي
وصح لسانك على هذه الرائعه
كتبت فأبدعت وامتعتنا يابعدي
تسلم يمناك ولا هنت
طامعين بجديدك دائماً

[عبير الورد]

الله الله
صح لسااااانك ملايين
سلمت وسلم منطوقك الجزل
ربي يعطيك العافية

[منيع]

اكثر من رائعة
تسلم اخي الكريم
تحياتي