تعال يا بطل

[عبدالله الشويمان]

سلام ياللي ساكن بسفح الجبل=مابين جدة والحرم نصف الطريق
إن كان عندك زرع عطنا من السبل=هديةٍ ماهي صدقه ياطيب رفيق

[الطائر المهاجر]

ماتخلي عنك السبل والسبله والليه
يجيك راعيها

[نجم الإبداع]

يامرحبا بك عد ماجا فالسبل=وعداد منتوج القصب والا بقيق
فوق الرمال الحمر عشق للدبل=ولا ترفع العكره ترى قلبي رقيق

[عبدالله الشويمان]

يا هلابك أبو محمد...انت جيت..حياك الله..

واستلم..

يا صاحبي تبقى ولا تبقى هبل=وانته عزيز وغاليٍ مثل الشقيق
مانيب انا ضبٍ وزاحف بالعبل=أنا آدمي شامخ كما قمة طويق

[نجم الإبداع]

ونعم علامه ضاق صدرك واندبل=تكرم ولكن بالجبل شفت الخريق
انا خبرتك قبل ممدود الحبل=وش بك زعلت وشفت رعدك له بريق

[عبدالله الشويمان]

نجم الجنوب الحبل ممدودٍ قبل=ولا به زعل ولا حصل ما لا يليق
مير انت مبحر في بحر تقرع طبل=مدري متى من غفلتك تبغا تفيق

[داعي الشوق]

الله الله
صحة السنتكم يا فطاحله

.. متابع لابداعكم و لاهنتو

[الطامي]

ههههههههههههههههههههههههههههه
صح السنتكم
سنعه يابو بدر لين يفيق
عطه بالمليان تكفى
شكرا للجميع

[نجم الإبداع]

انا مشيت الدرب وابريت النبل=للخصم شوك نحور فالملقى عتيق
والطيب للصاحب وخصله من حبل=وقت السعه نلقاه والا وقت ضيق

[عبدالله الشويمان]

مابك بلا مير انت مصيود بحبل=في شاطيٍ مليان بط وباطريق
ولا تمتدح نفسك وكلش بك ذبل=ونوظفك جندي وانا فوقك فريق