انة وجد اثارتها قصيدة(جريـح الغرام ) نجد

بمداد من
الحب النقي الذي يشرق على
القلوب فيسعدها
والافئدة المظلمة فينيرها
كتبت صديقتي الحــوراء بنت نجــد
قصيدة " جريــح الغرام "
ببحر رائع وقافية عذبة وبمضمون يثير الشجن

جريح الغرام اللي طواه الهوى واشقاه=وش علاج جرحه دام للجـرح ماريـه
شكيت الهوى واثر الهوى ماله مداواه=صويبه يطيـح وعلتـه دوم مخفيـه
تجيه الأطباء والدواء ماقـدر بشفـاه=يقولون مالـه طـب حالـه غراميـه
وانا اضم جرحي واعذابي واعرف دواه=دواه الحبيب اللي ذبحني وانـا حيـه
يطيبن جروح القلب في شوفة محيـاه=وتزيد الجروح ان كان له بالهجر نيـه
وانا اجر صوتي والحق الصوت وِويلاه=سطابي غرامه دون رحمـه وماويـه
نسى كـل مابينـي وبينـه وماذقنـاه=من احلى ليالينـا ولحظـات ورديـه
نهايه ومن عقب السعاده على المأساه=ليالي السعاده روحـت مالهـا جيـه

قرائتها وشعرت
بان ماكان ينبعث في
عروقي من الدم
قد تراجع كله دفعة واحدة إلى قلبي
حتى اصبح وحدة الخفاق دون اعضائي وأوصالي جميعا
لذلك مسكت ورقتي وكتبت هذة القصيدة
لا اسميها مجارة او رد ولكنها

"

انــــة وجـــــد

"

على بحر وقافية الحوراء
فقبلوها رغم
قلة بهاءها

الا ياوجودي وجد من تاه في مسـراه=عطى الدبدبه* يبغى الديـار الكويتيـه
عليه السحاب مـرودم والنجـم خفـاه=دوت به مساري الليل من دون ماريـه
سرى كل ليله واصبح الصبح في مظماه=يدير النظر في صحصح هـو خلاويـه
قضى منه بنزينه وعض الندم بأشفـاه=مخافة جموس اللي يسمـون دوريـه
جلس يومه وليله وحيد ولا احد جـاه=يديـر الروابـع ميـر لا ذي ولا ذيـه
سجد ركعتين يطلـب الله فـي مسعـاه=لعل الفرج ياتيـه مـن عنـد واليـه
وجودي مثل وجده وازيـد التوجـد آه=على صاحب حبه وشم بالحشـأ كيـه
بعيده على داره وكـود علـي انصـاه=ولا ني قريبـة لـه ولا مـن دناويـه
انا في رجأ اللي من ترجاه مـا خـلاه=يدور الفلك و يشوف عيـن النداويـه
يداوي جروحي بعد مده علـى فرقـاه=حديثه بمنطوق جـرى بيـن اشافيـه
انا حالفه لو جار وقتـي فـلا اسـلاه=ياكود العرب تسلى من الـزاد والميـه

*الدبدبه...
ارض مستوية لا شجر فيها ولا حجر
تقع بين الحفر والكويت وهي متاهه في النهار والليل

[الطائر المهاجر]

اهلا ومرحبا بك
مصافحة جزلة من راس جزل
وطبقا لتعليمات النشر هنا يلزم
روابط نشر هذه القصيدة وغيرها من قصائدك
في الإنترنت ، حتى لاتنقل لقسم منقول الشعر
شكرا لك
تحياتي

[الـزلـزال]

خيّاله

مرحبآ بك في قلعة الفطاحله

ويسعدنا أنظمامك لها


أحينآ نشاهد بعض القصائد فنطرب لها

فتسابقنا مشاعرنا قبل أقلامنا

لمحاوله مجارتها أو على القليل التقريب من مضمونها

بوح رائع من شاعره رائعه

صح لسانك ملايين ملايين


تقبلي تحياتي

[صعبة المنال]

قصيدة قوية

صعووب

[الطامي]

خياله
ابداع نادر الوجدود
مأحلاها من كلمات ومن مجاراة لها
صح السانك بنت نجد
وصح السان خياله
شكرا لكم

يعطيك الف عافيه

اختياار موفق للغايه

سلمت

[نفحات حساسة]

رائعه قصيده مبدعه
صح الله السانك
تقبلى مرورى

[حوريه]

بوح رائع من شاعر رااائعه

صح قلبك

ولا هنتِ

[حي الضمير]

منقول رائع
والف شكر

[الخنساء]

ابيات رائعه ونقل
راااااااائع لاهنت