واين أنت ياداعـي الشوق !!

[احمد حامد الزايدي]

الشـوق أنـا لـك دعـــاني=والـخــالـق اللـه هــداني
وأنـا لسـانـي حـصـانـي= واين أنت ياداعـي الشوق

سلام رديه ثمينه للرجال الغانمين=ردية(ن) تسوى جنيهات الذهب في سوقها
شهر ارمضان اليوم قرب والأجر للصايمين=والخالق الرزاق يوفي للعباد أحقوقها

[داعي الشوق]

هلا بك يا بو حامد

و مبارك الشهر علينا وعليك و على المسلمين أجمعين

،،،،،،،،،،،،،،،،

أستلم لاهنت

،،،،

	انا على طول موجود والدرب ماهوب مسدود قدامك سهود و مهود وين انت يا داعي الشوق

يا مرحبا باللي بدع قيفان و المعنى ثمين = الشاعر اللي للعلا يرقا و يطلع فوقها
نرجي من الله رحمته و العاقبه للمتقين = نرفع تهانينا لكم يالزايدي و نسوقها

[احمد حامد الزايدي]

مبروك الشهر يالقرم

ويا هلا ومرحبك اليوم وكل يوم يالغالي

قـول الحقيقـه على طول=والهـرج جـاي اله مـدلول
لاحـول ياسعـود لاحـــول=وين أنت ياداعــي الشـــوق

دام البقا والله سبحانه يغيث المسلمين=ياالله تغيث المسلمين دام أن غيثك شوقها
والله غـفـار الذنوب يغــفر ذنوب المؤمنين=والتهنيه منك أنت وصلـتنـي وأنا مـابوقـها

[الطامي]

صح السانتكم
شعراء جزلين
وعاشوووووووووووووووووووووووو

[احمد حامد الزايدي]

الطامي

/

صح بدنك يالقرم ،وأنت راعي الجزاله يالغالي!!

[داعي الشوق]

المشاركة الأصلية كتبت بواسطة احمد حامد الزايدي

مبروك الشهر يالقرم

ويا هلا ومرحبك اليوم وكل يوم يالغالي

قـول الحقيقـه على طول=والهـرج جـاي اله مـدلول
لاحـول ياسعـود لاحـــول=وين أنت ياداعــي الشـــوق

دام البقا والله سبحانه يغيث المسلمين=ياالله تغيث المسلمين دام أن غيثك شوقها
والله غـفـار الذنوب يغــفر ذنوب المؤمنين=والتهنيه منك أنت وصلـتنـي وأنا مـابوقـها

لو كنت حاكم وقاضي

للحكم ما نيب راضي

لو هي طوال وعراضي

وين أنت يا داعي الشوق

العام ناس ٍصايمه و اليوم ناس ميتين = دنيا تدور و دايره فوق البنادم طوقها
الشهرقالوا موعده اهل الفلك متأكدين = لا عاد تنظر للسماء وغروبها وشروقها

[احمد حامد الزايدي]

أصبر على حد الأمواس=ومن عـادتي رافـع الراس
والبيت مبني على ساس=وين انت ياداعي الشوق

لاهين ياسعود العرب ومشرقين مغربين=كـف المـطـر شوف السماء ماعاد أشوف بروقها
بأذن الله أنصوم الشهر ونغيض كل الحاسدين=والعالم اطـور ياحافي خلـف برقا روقها

[داعي الشوق]

من جاب ذيك العوايد

ماهيب زود الفوايد

يالزايدي و انت زايد

وين انت يا داعي الشوق

هلال الشهر لامن ظهر كل البشر مستبشرين = و اللي يخالف منهج الاسلام نال عقوقها
ان كان للعالم مدى حنا مدانا باليمين =و القاصيه والدانيه نعرف ترى منطوقها

[احمد حامد الزايدي]

الـجـود والـطـيـب عــاده=للــي يحــب العــــباده
وأنت لك عندي شهاده=وين أنت ياداعي الشوق

اللي يخالف منهج الأسلام عمي(ن) منعمين=والشهر بأذن الله نصومه والكنافه ذوقها
وأهل اليمين الله يقديهم لفعل المحسنين=والفرق شاسع بين رابي دقنه (ا)ومحلوقها

[القطامي]

صح لسانك يالزايدي وبصراحه مبعدين وناطرين رد البناخي .