عـبر عن حالتك اذا ضاق صدرك ..

[حنان الكون]

كل واحد فينا له طريقه او اسلوب او تتغير ملامحه
اذا ضاق صدره وبنفس الوقت تكون له ردة فعل
او حركه معتاده عبر عن حالتك اذا ضاق صدرك

انا اذا ضاق صدري




احااااول انااااام

[داعي الشوق]

اذا ضاق صدري

ودي احكي مع الغالي

كلامه يريح بالي

[احمد الكثيري]

اذا ضاق صدري استغفر رب خلقني واوجدني من عدم

[حوريه]

اذا ضاق صدري اسبح الين انام

[حنان الكون]

اذا ضاق صدري اقول
ياضايق الصدر بالله وسع الخاطر

[داعي الشوق]

اذا ضاق صدري

شريت اسكريم يبرررررررد القلب

[عطر الياسمين]

اذا ضاق صدري
اتصل على وحده من صديقاتي وسولف معها

[الطائر المهاجر]

لا ضاق صدري قلت للضيق مرحبا = وفصلت له ثوبٍ عريض البنايق
ولا زعزعت نفسي بكفي لقفتها = وقلت اصبري ياما جرى للخلايق

مما كانت تردده الوالده رحمها الله

[الطامي]

اسوي مثل مطوع نفي رحمه الله

لا ضاق صدري قمت أصوت لنوره =هاتي حطب وارميه للجار والضيف
من قبل ولد اللاش يبدى بشوره =حمست من حب اليمن غاية الكيف

[حوريه]

صح السنتكم الطائر والطامي

لآضاق صدرك عالي الصوت جره=لو كان قلبك ما يطاوعك مسرور
دنياك لو تسوى من الحِزن ذرّه=مــا كـان تاليها توابيت وقـبـور
ومـا كـان للـكـافر بعـمره مـسره=وما شفت في ملكه ملايين وقصور
العـمر يمضي بين حـلوه ومـره=والموت حق وقابض الروح مأمور
دام الــحـياه الـفـانية مـسـتـقره=ورزقك يجيك وبين الأجواد مستور
لاتـنـشغل بالــوقت بـرده وحـره=واحذر تصير بقسمة الناس مقهور
وحكم القدر لاجاك خيره وشره=أشكر عظيم الشان والذنب مغفور