عالم اليوم غابه فيها اشرس وحوش

[الطائر المهاجر]

عالم اليوم غابه فيها اشرس وحوش= تاكل اللي ضعيف وتحسبه انتصار
مدعين الحضاره جيشوا للجيوش= وصنّعوا ما يحرم من سلاح الدمار
واستغلوا ضعاف النفس مثل الجحوش= يخدموهم بعهر سرهم والجهار
مزقوا ارض يعرب ما حمتها عروش= ولا حمتها عقول مفكره بالمسار
لين شفنا نعوش مسابقه للنعوش= جوع ضارب وموت بالأرض والبحار
والمصيبه شعار يرفعونه غشوش= حق الانسان واجب في جميع الديار
حق الانسان طبق في ديارك يابوش= وحق الانسان بارض العرب مثل الحمار
تقتلونه لأنه من لسانه يهوش = ضد من يسخر بدين الله بكل احتقار
تشكلوا من تبونه من تيوس وكبوش= في جماعات تحدث كل يوم انفجار
رافعينٍ شعارات عليها نقوش= وكلمة الله اكبر فوق اكذب شعار
تضربوا الدين بالدين لاجل القروش= وتستحلوا لثروات البشر بافتخار
توجهوا من تبونه من كبار الكروش= مدعي العلم من جاهل وقابض ايجار
يبرمجوا للجهالا بالخطب والدشوش = يكفروا للمذاهب واهلها بالجهار
وتستعينوا بمن ساعد بحقده يشوش= من ملالي مجوسٍ طالبين لثار
من خدع بالتشيع عقل بعض الكدوش= مادروا بالنوايا والهدف بالمسار
برمجوهم بحشد طائفي الرتوش= ينتقم من ضعوف دون ذنب يثار
ذنبهم انهم سنه ولا من يحوش= عنهم اللي حرقهم دون ادنى اعتبار
وقت صدام كانوا اخوة لا طروش=دكوا حصون فارس بعزةٍ وافتخار
كيف تمشي عليهم لعبة للهتوش= من لبس للتشيع ثوب خزي وعار
قدموا له بلدهم معه اغلا لطوش= وبعد ذيك الحضاره صار كله دمار
خادمين المجوس وقتكم لو بهوش= يوم تدرون مكره فالزمن له مدار

[منيع]

جزل وهادف ومبدع
شكرا لك
تحياتي

[خالد محمود الفردي]

صح لسانك يا دكتور ولا هنت
حروف من ذهب
دائماً لا تأتي إلا بما هو مفيد ..

[بنت النور]

الله الله عليك
صح لسانك مليون مايكفون
جزاله من راس جزان
لاهنت
يعطيك العافيه
تقديري لسموك

[هترل]

هالله عليك يابو عبدالله
صح كلك وفكرك يالامير
واقعيه وهادفه جزل يادكتور لا فض فوك

تحياتي وتقديري

[الطامي]

ياسلام عليك دكتور

قلت فأبدعت وأجدت
هادفة وطيبه لافض فوك

شكرا لك

[داعي الشوق]

صح لسانك يابو عبدالله
ابدعت و امتعت يامبدع

قصيدة تترجم الواقع بكل جوانبه
ولاهنت يا جززل

[بشير البلوي]

صح لسانك شاعرنا المبدع

جزله من راس جزل

لا خلا ولا عدم

لك تقديري،،،

[نجم الإبداع]

صدقت وصح لسانك يادكتور


تقديري

[الراقي]

صـح السآنك وعلا شآنك سلـــم الفـــكر