بين ذيب وبين حصني

[عذب القوافي]

	--(( بين ذيب وبين حصني ))-- الأوادم ياجماعة ذي عـلامـه=بين ذيب وبين حصني أو نعامـه تختلط عن جد أشكال ٍ كثيـره=والبعص مسكين تسحره أبتسامه طيّب ٍ لازال في نيّـه سليمـه=مايظن البعض ماعنده شهامـه لين قابل في حياته كم خـاوي=وكم نذل ٍ يسلك دروب الرخامه ضايع ٍ والنفس ماعمره حشمها=ولايفّرق من حلاله عن حرامه شاف جافي للمراجل ماعرفهـا=يحسب الدينار يرّثه الزعامـه ولانطق ماقال له جملـه مفيـده=والنذالة في جبينه شر شامه يالصحيّح أعتبر ماجاك كافي=ولاتظن الكل ماشي بستقامـه كم واحد والبخل في وسط دمه=ولاتكلّم بالفعل يخلف كلامه ماخذ أوصاف المنافق بالتعامل=وإن وعد يخلفك ماعنده كرامه ثوب أبيض من يشوفه قال هذا=طيّب ٍ والطيب ماهو بالوسامه والزمن ياناس متغيّر علينا=والظفاره ماتجي بأهل الرخامه والردي بالكذب قد عاش متوّهم=وفي حياته ماعرف درب إستقامه حسب عرفي جيت بحروف القصيدة=والمعزه للرجل تبقى وسامه تقديري للجميع ,,,,,,

[الطامي]

والمعزه للرجل تصبح علامه
بن خزيم
صح السانك وبنانك
لاهنت اخي

[الـزلـزال]

ثوب أبيض من يشوفه قال هـذا=طيّب ٍ والطيب ماهـو بالوسامـه
والزمـن يانـاس متغيّـر علينـا=والظفاره ماتجي بأهـل الرخامـه
والردي بالكذب قد عاش متوّهـم=وفي حياته ماعرف درب إستقامـ

عبدالكريم بن خزيم


قصيده رائعه ومتقنه


من شاعر مشهود له بالتميز والأتقان

شاهدنا في بوحك الراقي

حكم جميله ومتقنه


نسجتها لنا بكل أتقان وخبره



صح لسانك ملايين ملايين


ولك فائق تحياتي

[نجم الإبداع]

الله الله

صح لسانك يابو ابراهيم

قصيده وافيه وحكمه زاهيه

ابدعت

لاهنت


تقبل مروري

وتقديري

[عايض ابوشيبه]

الله الله الله
الله الله
الله
صح لسانك مليوووووووووون

نص جميل وموضوع اجمل

ولاهي غريبه من شاعر بحجم عبدالكريم

تقبل تحياتي

اخوك

[فهد حنس العتيبي]

اخي الشاعر بن خزيم عبدالكريم

صحت مشاعرك ازاء هذه الاجتماعيه اللاذعه بحق من يستحقها

عليك البيض لهذا الشعر
شعر المراجل تفتقده المنتديات
فبيض الله وجهك

[داعي الشوق]

صح لسانك يا بو ابراهيم

قصيدة جميلة و هادفة

وافي يا عبدالكريم

صح لسانك مع التحية لك

،،،،،،،،،،

[منيع]

ابيات رائعة ومعبرة
بارك الله فيك
مشكور ياابوابراهيم
تحياتي لكم

ابن خزيم

سلمت يمناك

نص راائع تتدفق منه براكين الحكمه

دمت بهذا التميز

ولا هنت

[زهرة اللوتس]

ضايع ٍ والنفس ماعمره حشمهـا
ولايفّرق من حلاله عـن حرامـه
شاف جافي للمراجـل ماعرفهـا
يحسب الدينـار يرّثـه الزعامـه
ولانطق ماقال لـه جملـه مفيـده
والنذالة في جبينـه شـر شامـه
يالصحيّح أعتبـر ماجـاك كافـي
ولاتظن الكـل ماشـي بستقامـه



عبد الكريم بن خزيم
سلمت وسلم منطوقك
جزالة وحكمة
لاهنت وبيض الله وجهك
لك مني

اطيب تحية


زهرة