إلى فعلـت الطيب لا تنتظـر طيـب(مصافحه)

بسم الله الرحمن الرحيم

قال الذي ماضي حياتـه تجـاريـب=جرب جميع الوقـت حلـوه ومـره
من عايش الدنيا يشوف التعاجيـب=وياخذ عبـر ودروس ممـا يمـره
نصيحتـي للـي يعـرف المـواجيـب=ويعمل على المعروف جهره وسره
إلى فعلـت الطيب لا تنتظـر طيـب=لا تنتظر غير الرداء والمضـره
مهما تجمًل فأكثر النـاس وتطيـب=لو صرت مأنت بخير ممـا يسـره
إن كان يرجي فزعتك فعـلك مصيـب=لو تكسحـه تسعيـن مليـون مـره
والى اغتنى كلك عيـوب وعذاريـب=ولا لك من المعروف مثقـال ذره
تبغى الصحيح وتقطع الشك والريب=ياطيب من كافـاك خيـره وشـره

[الطائر المهاجر]

هلا بك اخي الكريم/متعب
في محلك وبين اخواتك واخواتك
شكرا لإنضمامك للفطاحله
مصافحة جزلة من راس جزل
سعدنا بتواجدك
ارجو مراجعة هذين الموضوعي لتتعرف علينا ولنتعرف عليك ولتتعرف على التعليمات
http://www.fatahilah.com/showthread.php?t=140
http://www.fatahilah.com/showthread.php?t=1969
مع أطيب تحياتي

[حي الضمير]

صح لساااااااااااانك يالعطاوي
قصيده رائعه وابدعت ياجزل
سلمت يمناك

[عبدالله السويلم]

والى اغتنى كلك عيـوب وعذاريـب
.............................. ..ولا لك من المعروف مثقـال ذره
تبغى الصحيح وتقطع الشك والريب
.............................. ..ياطيب من كافـاك خيـره وشـره


الله الله
صح لسااااااااااااااااااااانك يامتعب
قصيده رائعه وجزله من راس جزل
تبي الصدق ( اتعبت من بعدك )

في انظار جديدك
تحياتي

[داعي الشوق]

صح لسانك يا متعب

قصيدة طيبه و جزلة بالحيل

و يا هلا بك في محلك و بين ربعك

حضورك جميل و اطلاله جميلة

ولاهنت يالشاعر

و يا مرحبا بك

*************

[بيدي رسنها]

صح لسانك شاعرنا مليون ومايسدون .. وسلم عمرك وحرفك .. والله يحيك في محلك . سعدنا بانضمامك الينا .. مودتي وتقديري ..

[عبدالله الدخيل]

متعب العطاوي

يامرحبااا فيك يالشاعر تراحيب المطر

صح لسانك وبارك الله فيك
قصيده جزله من جزل

واقبل

ودي واحترامي

[الآكيد]

متعب العطاوي


صح لسانك على هذه الابيات الرائعه


جزله من شاعر جزل

[نفحات حساسة]

اي بالله صدقت

صح السسسانك..ولاهنت

وسلمت وسلم فكرك..ويعطيك العافيه..

تحيتي لك ولأبداعك

[حرف وشعر]

العطاوي ارحب وصح الله السانك

قصيده حكيمه ومن شاعر مبدع