يســـــــــــــاومني على قـــــــــــلبي

علي الحامد · 01-01-2009, 09:21 PM

اخواني وأخواتي اداريين ومشرفين ومراقبين
شعراء وشاعرات منتدى الفطاحله
السلام عليكم ورحمة الله وبركاته
أسأل الله أن يجعل عامنا هذا عام خير وبركه
على الجميع وعام نصر وتمكين للأسلام والمسلمين0
أتقدم اليكم بهذه المشاركه بعد انقطاع دام طويلا
آملا أن ترقى الى رفعة أذواقكم وأن تجد مكانا
بين مشاركاتكم 0

هلا يابارق(ن) ناضي ألا حيه بلا الميعاد= وانا صبري تعدى من زمان(ن) مرقبات حدود
أهلّي به وهو مجنّد طوابير(ن) تحمل اعتاد = لنسف الحب وهو يعلم بأنّه باري(ن) للعود
عصي(ن) ماعرف درب السموحه صابني بجهاد = يراوغ روغة الثعلب بدربي فعله المشهود
اليامن جيت أنا بسلى يعرّض لي بقولة جاد =وانا عندي الخبر كلّه واعرف انّه خطاة رعود
يساومني على قلبي وانا قلبي معه منقاد = رقيت لسلّمه لاعلاه وفك لحبله المشدود
يمشّيني سماح أمره وانا ممشي بغير جهاد =ومن غيره على دربه لو ابطى ماقبلت القود
وانا مصخي بنفسي كود للّي شباكها صياد = أسج الرجل ومشي عجل واقع بالشبك مصيود
كلاليب الغلا تجذب قليب المهتوي بركاد = ولو هي من جهة غيره من السجّيل اتى منضود
انا اللي بقسمتي راضي اعيش معلّق بمنطاد = ولو حاول يحوّلني عن المنطاد حيل احيود
انا اللي حاجتي له كل يوم(ن) بالرضا تزداد = وانا في داخلي يطبخ لحم هرش(ن) يبي للزود
انا اللّي ياسمعت اسمه تجيني شهوة(ن)للزاد = وانا اللّي يوم يطرونه يزيد النّبض عقب ركود
وانا اللّي نومي الغفوه هنّي ياللّي تبيع سهاد = وانا اللّي قومتي جفوه كما الراهب براس الطود
أحس انّي به موكّل انافح من سعى بضهاد = وعليه الغيره بقلبي تعدى الجود من ماجود
انا في سلوتي مجهد أفكّربقامة المقعاد = وانا اللّي بشغلي الملهي يباريني رماح(ن)سود
فلق صبح(ن)غسق ليل(ن)ضمور(ن)للوسط جراد = تبدد في محاسنها مفاتن مترفات الخود
أبدعي بسجدتي يجعل الهي جنّته ميعاد = وهي بدنياي لي جنه صفا لبّه وحمر خدود
وانا اللّي مطرق(ن) راسي عن مناظر بنات الضاد = ولو جابو بنات الترك مع كشمير ماهن فود
خياله دوم(ن) قبالي يليّم بي خلايا جداد = وبهالمنوال أنا عايش وعند الله حل عقود
انا عزمي ال جفا غيره ابطغا فرعون ذي الأوتاد = وانا جازم ال بقا حبّه لو انه بقّة النمرود
انا اللي ماصغي لهرج(ن)يولّف للجفا ترداد = وانا اللّي ما يبوّا لي سواة أم القعود تهود
انا اللّي مارضى قلبي يوافق قعدة المرصاد = ولو انّه لمثل اللّي على حالي برى لكبود
سبايب ديني الواضح يردّ النفس للميراد = على نبع(ن)من اللّي جابه الخالي من المنقود
انا عندي خبرعيدي وفي ذمّة بصير اعياد = كفى لاتجهدون النفس وتشقونه بسلخ جلود
أجل ياللّي تعذل القلب على رسلك تراي ستاد = بهذا والاّ ابغيره تفضّل وابذل المجهود

وسلامتكم

مبروك بن ماضي · 01-01-2009, 09:38 PM

اخوي المبدع :
الشاعر / علي الحامد
الف صح لسانك على هذه الرااائعه ..
سعدت بقراءتها وتشرفت بحضوري هنا
كما ارحب بحضورك في الفطاحله واهنيك
والقراء بالعام الجديد وكل عام والجميع بخير
سجل اعجابي وتقبل تحياتي وتقديري
أخوك / بن ماضي

محمد عبدالله البدراني · 01-01-2009, 11:19 PM

العزيز الغالي علي الحامد سلمه الله

يالله حيه

وين الغيبه يارجل والله لك وحشه

ياهلا والله ومرحبا

ولي عوووده

تحيتي

زهرة اللوتس · 01-01-2009, 11:36 PM

انا اللّي مارضى قلبي يوافـق قعـدة المرصـاد
ولو انّه لمثل اللّـي علـى حالـي بـرى لكبـود

سبايب دينـي الواضـح يـردّ النفـس للميـراد
على نبع(ن)من اللّي جابه الخالـي مـن المنقـود

انا عندي خبرعيدي وفـي ذمّـة بصيـر اعيـاد
كفى لاتجهدون النفـس وتشقونـه بسلـخ جلـود

أجل ياللّي تعذل القلب على رسلك تـراي ستـاد
بهـذا والاّ ابغيـره تفضّـل وابـذل المجـهـود

سلمت وسلم فكرك
جزلة من شاعر جزل
مصافحة راقية
صح لسانك وبيض الله وجهك
لك مني
اطيب تحية