ياللي لبستي الجـنز بالسوق تمـشـين

[حي الضمير]

ياللي لبستي الجنز بالسوق تمشين=واللبس ضيٌُق والعبايه رهيفه
والعطر فاح بريحته بالدكاكين=الخصر يومي والردايف كليفه
مانيب معجب يوم اناظرك بالعين=لاوالله اللي مثل حالك نعيفه
مهما لبستي من الخلاخيل والزين=يابنت اشوفك مثل ماشوف جيفه
وان صرتي في عين الردي ورد يقطين=في عين من به ذرة ايمان شيفه
ومن يتبعك من وين مارحتي اثنين=اهل الخنا واهل العقول الخفيفه
قولي اخطبوني شوفي الرد ذلحين=ردة فعلهم بينهم بالنصيفه
مهما يكن حتيش لوهم رديين=اخبلهم اللي يصفعك في رصيفه
الورد يجذب شوفته بالبساتين=واليا انقطف كلٍ بدا بتحذيفه
ولاصار دربن للردى والملاعين=يذبل ويرمى والخلايق تعيفه
ويابنت توبي خافي الرب تكفين=قبل العمر ياتيه حزة خريفه
وابن ادم المسكين مخلوق من طين=ودنياه ماهي يالضعيفه بكيفه
الرب دينه سن فيه القوانين=واكرمك لاصرتي فتاةً عفيفه
والا التبرج والتعري على وين=على جهنم والحياة المخيفه
والعطر لامن فاح ريحه بتدرين=انتي بحكم الزانيه يالضعيفه
ماهو كلامي خلي الخلق بعدين=هذي احاديث النبي الشريفه
وعليه اصلي عد ماترمش العين=عليه اصلي والمدامع ذريفه
تبكي على اللي باعت السلم والدين=وتطرد سراب الغرب مثل الكفيفه

[حي الضمير]

المشاركة الأصلية كتبت بواسطة الطائر المهاجر

سلمت
وصح لسانك وقلبك
ولاهان راسك
جزلة وطيبة من راس طيب
تحياتي

صح بدنك مليااار استاذي ابوعبدالله
والله يرفع قدرك في الدارين
ومرورك وسام وتاج على الراس
ولاهنت يانسل الكرام

[جلال ابراهيم الصبيح]

صح لسانك واعتلى شانك يا حي الضمير

وصدقت والله هالبنات الحين مليانات ونشوفهم بالاسواق

والواحد لا شافهم حمد ربه على العقل والدين.....الله يهديهم

ويهدي جميع المسلمين....لاهنت.....وصح لسانك مرة أخرى وأخرى وأخرى...دمت بخير.



بائع الورد

[الطامي]

حي الضمير
صح السانك
رائعة جدا
لاهنت اخي

[عبدالعزيز البليهد]

تسلم اخوي خالد صح لسانك ولاهنت
مع الاسف ظواهر تنم عن ضعف الوازع الديني
حمانا الله واياكم ونساء المسلمين

[حوريه]

الله يهديهم ويفتح على قلوبهم
صح لسانك مليووون ولا يكفووون
قصيده هادفه ورائعه
دمت بكل خير

[المهادي]

رائعة من شاعر رائع
ومتجدد الإبداع
صح لسانك وفكرك
ودام ابداعك

تحيتي ومودتي

[عبدالله مذكر العقيلي]

رائعه من شاعر رائع

صح لسانك

ولله درك


تحيتي

[داعي الشوق]

صح لسانك يالشاعر المبدع

قصيدة اجتماعية جميلة و هادفه

لله درررررررك

و أثابك الله يا حي الضمير

و صح لسانك مدد

مع تقديري الخاص لك

و لاهنت

*************

[الـزلـزال]

حي الضمير
بوح في قمة الروعه والجمال
من شاعر متميز وجزل في كل مايقدمه
أبدعت غالينا في نصحك وتوجيهك
وتطرقك لهذا الموضوع
دمت ودام بوحك الراقي ياراقي
صح لسانك ملايين ملايين
ولك فائق تحياتي وتقديري