ياللي غرامك والهوى شي ثاني

[نجم الإبداع]

ماحلى كلامك لي وشطحة سوالفك=والا جمالك في النساء شي ثاني
ياملهمه قلبي انتشى يوم صادفك =ومن قبل اشوفك كان قلبي يعاني
هني من بين المخاليق والفك=حقق مع اهل الحظ كل الاماني
كن الصبا لاهب نسمه يلاطفك=من ضي روحك لي يضوي مكاني
مانيب لو بامدحك في الحسن ناصفك=واخاف ماتوفيك كل المعاني
كني من اول جيت للارض عارفك=لولاك ماطاب الهوى والزماني
قولي وانا في الحب مايوم اخالفك=امشي على كيفك وحبك سباني
ياملهمه في قلب حبك مصايفك=حسه سكن في الروح بين المحاني
جيتك لقيتك والجوى سيل جارفك=ياتؤام الروح الجوى معك جاني
احساس متبادل وانا فيه اناصفك=ياللي غرامك والهوى شي ثاني

[الطائر المهاجر]

صح لسانك ياقيس زهران
طيبه
لاهنت
تحياتي

[عيد مشعل]

صح لسانك

ابداع وامتاع

لاهنت

[حي الضمير]

صح لسانك مدد يانجم
قصيده عذبه
وابدعت
لافض فوك

[داعي الشوق]

صح لسانك و طاب حالك نجم

ولاهنت يا بو محمد

[احمد الكثيري]

السلام عليكم
اخوي بن منشااار صح لسانك مليون في مليون ولاهان راسك يابعدي

[هترل]

صح لسانك يابو محمد مليون ولا يسدون
ابدعت وامتعت لاهنت يالامير
ودي

[منيع]

مبدع ورائع
كل الشكر لكم
تحياتي

[نجم الإبداع]

المشاركة الأصلية كتبت بواسطة الطائر المهاجر

صح لسانك ياقيس زهران
طيبه
لاهنت
تحياتي

ارحب يبو عبدالله

صح بدنك وشكرا لطيب مرورك

لاعدمتك

[الهديان]

فكر نير وقلم مبدع
لك شكري وامتناني
وخالص الود والتقدير