أكيد مستانس و مرتاح بالك

[داعي الشوق]

هذه القصيدة من واقع تجربة في الحياة

و مثل ما يقولون .. الدنيا تجارب

أكيد مستانس و مرتاح بالك = لا صرت متصافي مع اللي مصافيك
متركّيٍ فاله على طيب فالك = مبداه سامي وسامياتٍ مباديك
ومع دورة الايام في يوم حالك = لا جاء نهارٍ فيه لبس وشرابيك
أنت الضحيه يوم محدٍ بدالك = طالك غثاه وبالملامه يجازيك
ولامن نشدت وقلت له وش جرا لك = تلقى دوافعها عوامل و تشكيك
يوم التصافي ذاب لحظة سؤالك = يالعنبو حظك معه يوم يرميك
طرقت من شانه جميع المسالك = كله على شان الغلا يوم يغليك
اللي منول دايمٍ من مجالك = اليوم صار الوقت وياه يشقيك
إن كان يالمذكور شيٍ طرا لك = ترا الردي فالعسر ماهوب يشفيك
قد قاله اللي شاف قبلك مهالك = اللي حكى لك يوم بكرة حكى فيك

[شجون القصيد]

قد قاله اللي شـاف قبلـك مهالـك
..............أكبر عدو من بلغك هرجـة فيـك




الله الله


صح لسانك

رائعه من رااائع

نص جميل عانق القمم بعذوبته

لافض فوك ارويتنا شعرا

تحياااتي

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[عبدالعزيز البليهد]

لاتأتي الجزاله والعذوبه إلا مع الصدق والخبره والتجربه

وهذا البوح رغم قساوة التجربه إلا انه يفضح معاول هدم الحب وهو الشك

شاعر جزل ياسعود ولاتحتاج لشاهدتي

صح لسانك ويسلم قلبك بعد حي

[منيع]

ابدعت واجدت
شكرا لك ولحرفك المميز
تسلم ياسعود
بارك الله فيكم
تحياتي

[ابوعبدالرحمن القريشي]

داعي الشوق

اكيد مستانس مادام اقرا حرفك الراقي


واكيد .............. من حكالك حكابك

اطربني الحرف وكاتبه فلزمني المرور

لأتشرف بمصافحة حرفكم

دمت بود

[حي الضمير]

مليااار صح لسانك
واعتلا شانك شاعرنا القدير داعي الشوق
قصيده رائعه وابدعت حيل بارك الله فيك
لا خلا ولا عدم

[مبروك بن ماضي]

الاخ الكريم الشاعر المبدع / داعي الشوق
كالعاده .... مشرقه وجزله هي القصائد اللتي تكتبها .
صح لسانك وفكرك وانا اخوك .
سجل إعجابي وسعادتي بالمرور بين أحرفك المشرقه
دمت أخا أعتز بوجودي في متصفحه
تقبل تحياتي واحترامي
أخوك / بن ماضي

[عيدالماجد]

بالفعل اكبر عدو من بلغك هرجة فيك صح لسانك وعلا شانك نص رائع ومميز يستحق التقدير والاشاده لشخصك الكريم وحرفك الراقي اطيب التحيات

[سناعيس]

المبدع داعي الشوق
صح لسانك ولله درك
على هذه الرائعه
ولاهنت

تحياتي