انام واصحى في جحيمه وراحه

[نجم الإبداع]

الي يقول اهواك ويغيب عني=ويله ترك قلبي يعاني جراحه
حسيبه الله يوم زاد التجني=لو قال خذ له فالغرام استراحه
مافي الهوى والحب غير التمني=قولو لخلي مابه الا الصراحه
عود القنا لامال حلو التثني =ماحلاه في ضيقه ووقت انشراحه
ليته على القلب المتيم يحني=واحشني موت ابطلته مع مزاحه
شفته على الشاشه لغيري يغني=وقت المساء مابان لي من صباحه
مايدري انه في خفوقي طعني=من عقب ماغاض الهوى واستباحه
الي غرامه في حياتي فتني=حبه تمكن في خفوقي ولاحه
طبيت في بحره على حسن ضني=وانا غشيم وما اعرّف السباحه
يومي غرقت وقمت بالنوم اوني=صحيت من نومي وجاكم قراحه
هذا الهوى والشعر حرفه سكني=انام واصحى في جحيمه وراحه

[الطائر المهاجر]

كتبت فأبدعت واجدت
صح لسانك ولا هنت
تحياتي الطيبة

[عمر ال شيبي]

شفته على الشاشه لغيـري يغنـي

وقت المساء مابان لي من صباحه

مايدري انه فـي خفوقـي طعنـي

من عقب ماغاض الهوى واستباحه

بيان اول
حكي وعلوم
على صرخة
قلب موجوع

الله عليك
صح لسانك ابدعت يا نجمنا

[منيع]

ياسلام عليك
ابدعت واطربت
تسلم يابومحمد
تحياتي لكم

[عبدالعزيز البليهد]

صح لسانك وسلم قلبك الخضر

وياليتك تعطينا فكره عن عود القنا ..لاتواخذني اول مره اسمع فيه

وهل هو الخيزران او غيره

[فارس القوافي]

خطر غصن القنا


ياسلااام

صح لسانك يبو محمد

لاهنت


يعطيك العافية

دمت بخير

[صعبة المنال]

قمة الابداع

صح لسانك وحرفك

صعوووب

[عبدالعزيز العمار]

نجم الابداع

صح لسانك وفكرك

رائع وجزل يابعدي

لاهنت ولاهان راسك

تحياتي وتقديري

[المحيط الهادي]

الله عليك اخو تجم الابداع

روعه سلم منطوقك

[عبدالعزيز ابراهيم المنصور]

كلاااااااااام
صح لسانك ابو محمد
سلمت ولاهنت
دمت بخير