طريق المدرسة

[محمد بن عمار]

السلام عليكم /
جديد اليوم متوهق في شارع
مدارس وتأخرت عن العمل
وهذي الحصيلة ...

طريق المدرسة

وين أناحظي رمابي في طريق المدرسة = ماعرفت الدافع اللي جاب رجلي من هنا
إعترض دربي غزال ٍ جعل ربي يحرسه = حارت أقدامي وشفت الموت بعيوني دنا
إيتخطىّ فوق كبدي ماشي ٍ في غطرسه = بقده اللي لا تهصّر به ، مثل عود القنا
ورمش عينه كلما سلهّم بقلبي يغرسه = وحمرة الخد المشعّة طايب ٍ فيها الجنا
التفاكير أشغلت بالي بكثر الهجرسه = مادريت إني برجلي ساير لدرب الفنا
قلت له كل ٍ حسب عسفه وترويض ، فرسه = أحد ٍ منها يعاني و أحد ٍ معها إهتنا
قال لي ماكل طير ٍشاف صيد ٍ يفرسه = وأنت قلّ لي ويش جابك ماشي ٍفي دربنا
قلت بأطفي نار كبدي والنظر منك أترّسه = وآتحلىّ من وصوف ٍ فيك ماعنها غنى
طاير ٍ من فوق بحر العين مثل النورسه = وسارح ٍ بين الرموش اللي لها ضيّ وسنا
قمت أدق الصدر حسره والنواجذ مضرسه = وآتوجّد ودي أذكر ماضى ٍ من عهدنا
قلت ياعشق الفؤاد غروب فكري ممرسه = لبكرة الذكرى وعادت بي لأيام الونا
عقب مالان وحكى ، طابورهم رن اجرسه = قال بعد إذنك ترى ، عن الحضور أخرّتنا
يوم قفىّ ألجّم لساني قوامه وأخرسه = وطحت مصعوق ٍ وساق الرجل حدري إنثنى

مودتي لإصغاءكم
محمد بن عمار

[البابطين]

شكرا لإمتاعنا بإبداعك
لاهنت
تحياتي

[عبدالله الدخيل]

نص جزل من جزل

صح لسانك وبارك الله فيك

واقبل

ودي واحترامي

[المحيط الهادي]

هههههههههههههههه عوافي يابو عمار والحمدالله على السلامه


قصيده في قمة الروعه

دمت ودام بوحك الرائع بس جنب عنك طريق المدارس

[سناعيس]

علم بالصدق بس
حضك اللي جابك والا انت اللي جبته هههههههه
صح لسانك يابن عمار ولاهنت

تحياتي

[العبدالهادي]

جزاله من راس جزل
صح لسانك
ولاهنت
تحيتي واحترامي

[أم ريما]

صح لسانك

قصيده جميله

لاهنت

[عطر الياسمين]

صح السانك ملايين
رائعة جدا
تحياتي

[بنت العز]

صح لسانك ولا هان راسك
مدد بلا عدد
يعطيك العافيه

[الطائر المهاجر]

تميز في الإبداع
وجزله من راس جزل
صح لسانك
ولاهنت
تحيتي واحترامي