البارحه ماقدرت ارضيك .. جديدي لكم ..

ناصر القزلان · 31-05-2009, 01:25 AM

بوح يخترق جدار الصمت ..

,,,

,,,

رح وين مارحت باقي في خفوقي غلاك = مادام بي عرق ينبض مانويت استخير
يكفيني اشوف طيفك وانتهي في سماك = وابث لك شوقي المطعون عبر الاثير
من وين مارحت شفني في حراوي لقاك = في غاية الذوق مابين الذهب والحرير
افرش لك العين سجاده لانك ملاك = ابيك تمشي عليها ياسمو الامير
والقاك بالورد وارسم شرهتي من وفاك = واخلي القلب يمك قبل اشوفك يطير
خذني على ماتحب الله يغربل هواك = اللي قفل باب سجنك واستباح الاسير
البارحه ماقدرت ارضيك والحق مداك = طعنت كبدي ثلاث ومثلها بالضمير
ابيع واشري ولا ادري وش بقا من رضاك = الوضع حساس والموضوع جدا خطير
ماهوب انا اللي عطيت الله هو اللي عطاك = والا وش اللي ربط بين الغني والفقير
ان كان بالمستوى ماني على مستواك = ترقد على الريش والعاشق فراشه حصير
لكن عيني تخيل البرق دونك وراك = لاوالله الا على راسك ترش العبير
والشوق يفرض وجوده في منابت حلاك = ياكبرها عند ربي صدتك ياكبير
ان كان ماصاب قلبي ياعشيري وطاك = لابد ماتسمع الناقه هدير البعير
وان كانها فوق راسي حولت من جفاك = ماظنتي تجبر الشرهات عظم الكسير
لعل ماحل في حالي طواها طواك = تذوق وشلون لوعات الهوى ياغرير
ثلاثة ايمان مني لانتظر في رجاك = يمكن تراجع حساباتك بعد تستشير
والا نفذ حكمك الصادر لحقني غثاك = ميّل على ( دارفور ) وخذ معاي البشير
تهمه .. تلاعب .. حقوق انسان .. ظلم .. انتهاك = تزوير .. تلفيق .. واقع للعداله مرير
لكن على كل حال انا تراني فداك = نذر ٍ علي شي تامر به يتم ويصير
حرام مافيه غيري في حياتك بكاك = الله حسيبي وهو نعم الولي والنصير

استمعها بصوتي هنا ( الملف كبير شوي لاتستعجل )

للتحميل
http://up.fatahilah.com/up//uploads/895973f471.mp3

الطائر المهاجر · 31-05-2009, 01:30 AM

زهرة اللوتس · 31-05-2009, 01:31 AM

سلمت و صح لسانك
جزلة من شاعر جزل
لاهنت وبيض الله وجهك
تحية طيبة

زهرة

ترانيم المطر · 31-05-2009, 01:33 AM

سلمت وصح لسانك
واعتلى شأنك
نص رائع من شاعر رمتمكن
لاهنت ياناصر
تقبل من التحيه أغلاها
ودمت بخبر

همس الورد · 31-05-2009, 01:33 AM

صح لساااااانك مليون

و صح بدنك

و اعتلا شانك

بووووووح رائع

تحيتي و تقديري

ناصر القزلان · 31-05-2009, 01:35 AM

خبرونا عن الروابط الصوتيه تشتغل والا لا .. عندي ماتشتغل مع انها مضبوطه 100%

نفحات حساسة · 31-05-2009, 01:36 AM

تسلم اخوى..ناصر ولا هنت
وصح الله السانك ملالالالايين
تحياتى
ولى عوده..

منيع · 31-05-2009, 05:45 AM

حضور شعري مميز ورائع
بارك الله فيكم
تحياتي وتقديري

ابو أنس · 31-05-2009, 09:54 AM

الفاضل ناصر القزلان...................
عودا احمدا
ونشاط متجدد
قصيدة جميلة ومفعمة وافية السبك والحبك
ممتعة للقارء
سعدت بالتواصل معك وبقراءة نصك
تجيتي وودي

داعي الشوق · 31-05-2009, 11:07 AM

صح لسانك يالشاعر ناصر

طرق جميل و معاني جميلة

كما أنت دائما

( لو إنك وديتنا دارفور )

صح لسانك مدد بلا عدد

تحيتي لك

الذين يشاهدون محتوى الموضوع الآن : 1 ( الأعضاء 0 والزوار 1)