يارب عم الخير كل الجزيره

[نجم الإبداع]

الحمد للي في يديه المقادير=رب العبااد ولالنا رب غيره
اللي كتب لابن ادم الشر والخير=من مولده يدري ويعرف مصيره
يغدق على المسلم ويعطي هل الدير=وابليس يغوي فالحياه القصيره
يارازق الحيتان فالبحر والطير=يامنزل الامطار في كل ديره
يارب جنبا الشقى والمخاسير=واكتب لنا الغفران وامح الجريره
بارض العرب ضاعت حياة المشاهير=ضاع العراق وضاعو اهل الجزيره
جتنا فتن جتنا علومٍ باغادير =وجانا من اهل الشام يارب حيره
قام الرويبض كل ليله بتبرير = وارض النصارى للرويبض كسيره
يارب فينا صار للحق تقصير=كلن غدى يسرق ويرضي قصيره
مابه رشا والدلو مقطوع فالبير=واديارنا من قلة الما فقيره
ماقال ابو مجحف ولا قال ابو عير=الا كلام الجهل في كل سيره
نسمع كلام ولا نشوف التقارير=منهوبه ارزاق المواطن وغيره
شلة حراميه معا نافخ الكير=لايعدلون ولايجيبون سيره
متأمرين على حقوق الطوابير=مايلتقي المحتاج له من يجيره
عبو الكروش ولابهم اي تغيير=والشعب ماحد لو بغى يستشيره
ماقصر ال سعود غير المغاوير=اكلو الحقوق ومابهم اي غيره
يارب جنبنا الخطل واكتب الخير=واكتب لنا العزّه ونور البصيره

[الطائر المهاجر]

بوح رائع من ضمير حي
لاهنت
وصح لسانك مليون
تحياتي

[ساهر الليل]

صح لسانك يابو محمد

جزله من راس جزل

تنشد عن الحال هذا هو الحال

تحياتي وتقديري

[ابراهيم غضيان الشراري]

الله الله الله
رائع يانجم الابداع بكل حالاتك.
صح الله لسانك.
تحياتي.

[هترل]

هالله الله
صح لسانك يابو محمد حتى ترضى
واقع مرير وحاله هوان وضعف تمر بها
البلاد الاسلاميه نسال الله السلامه
كعادتك نجم يابن منشار لاهنت

تحياتي وتقديري

[الخنساء]

يــارب جنبـنـا الخـطـل واكـتــب الـخـيـر

واكـتــب لـنــا الــعــزّه ونــــور الـبـصـيـره

صح لسانك مليوووووووون

قصيدة جزلة من شاعر جزل

سلمت ودام حرفك

[الراقي]

صح السانك على هـــ الجميلــــة
رائع شعرا و حضورا

دام لنا ابداعك وتواجدك

وبيض الله وجهك

ولك ارق التحايا

[احمد الغافل]

فكر نير وقصيدة شامخه
صح لسانك
ولاهنت
تحياتي

[حرف وشعر]

امين يابومحمد صح الله لسانك

[منيع]

ابيات رائعة ومعبرة
شكرا لك
تحياتي