أبـطــى ألدلـــي !!

[محمد عبدالله البدراني]

ابيات كان لها مالها رحم الله من كان معني بها ورحمنا
****************************** **************

ابطى الدلي ماجاء من الجم راهي = والمستعين ارهى من المستبدي
بالراي والا المستعان ال أ لاهي = الواحد المعبود منه استمدي
عزمي وحزمي والرجاء والوجاهي= في جاه من يعلم خفا كل سدي
واغلى الدرر واثمن بنات الشفاهي= ماسمرن يمناي من تحت خدي
كم لي مضى معهن بكل انتباهي = ولا لاح منهن غير وضحاً تفدي
مع صحصحٍ يسبح به الطير ساهي= ياعاقل (ن) يوسف لها لا تلدي
بجهود من في عرفه افخر واباهي = عبدالله السلوم عرفه يسدي
بحر (ن) جناه الدر وادنى المشاهي= معهن خبير الغوص يبغى مقدى
بين البشر بالمعرفه باشتباهي= وبين الطبيعه والمعادن تحدي
والنار فيها يمتحن كل زاهي = ويبقى الذهب ماله نظير (ن) وندي
ياخذ عريق الساس نفس اتجاهي= واليا صدفته باللقا مايصدي
ياقلب.. الا ياقلب.. دنياك ماهي = على مثل ماكان مير المردي
مانت بعلى بر الامان برفاهي = خلـــــــــك حويط وكل حر يهدي

..


وهذه تحياتي
مع اسمى ايات الشكر والامتنان فائق الاحترام واطيب المنى رعاكم الاله

[ماجد الزيد]

نحن من نحمل الشكر والعرفان لك اخي محمد على هذا النص الفاخر

صح الله لسانك

[منيع]

ياسلام عليك
ابيات ولااروع
دمت مبدعا
تحياتي لك

[سعيد الصاعدي]

الاخ الفاضل/ محمد عبدالله البدراني
نص نقف له اجلالا واحتراما
ونعيد قرائته اكثر من مرة
صح لسانك وعلى شانك
لاهنت يالبدراني
تقبل تحياتي يالغالي

[الطامي]

البدراني
صح الله السانك وبنانك
ابيات شامخة كالطود
من شاعر فحل يصخر القاف والمعنى
ابداع × ابداع
لاهنت وشكرا لك

[داعي الشوق]

الشاعر القدير / محمد البدراني

لا غرابه إن كان هناك إبداع وجمال فيما نظمت

لأن الابداع والجمال دائما معك

صح لسانك مع التحية لك

والله يرحم من قيلت فيه

[نجم الإبداع]

محمد البدراني

صح لسانك وفكرك

قصيده وافيه من وافي

جزل

لاهنت


تقبل مروري
وودي

[ابو أنس]

الأستاذ محمد البدراني....................
نص فاخر موجه لعلم ظاهر (رحمه الله)
مليئ بكل ماتشتهيه النفس شعريا
جزاله وحسن سبك وقوة معنى

استوقفني فيها أكثر من بيت وطربت لأكثر من معنى
ولاشك أنني استفدت كثيرا
لك كل الشكر ووافر الود

[الأموره]

البدرآنـي

صح لسآنك ملاايين يخوي

سلمت و سلم فكرك

بس الخط صغـير جدا

الف شكر لك

دمت برعاية الخالق

[منصور العبدالله]

واغلى الدرر واثمن بنات الشفاهي
.........................ماسمر ن يمناي من تحـت خـدي
كم لي مضى معهن بكل انتباهـى
..........................ولا لاح منهن غير وضحاً تفـدي


صح لسانك

محمد البدرانى ونسيج شعرى جزل

يدرس ويدرس

لاهان راسك يالقرم

تحياتى ورد