أنا جهلت وغلطتي من هبالي

[ماجد الزيد]

تفوح العبره وتسرب دموع دلالها عيني=وتتقهوى الوسايد دم خفاقي وتنكرها
ومري شايل المنكوس في صدري يغنيني=وضلوع الطرف تتهاوى ولفح البرد ينجرها
وجفاف الأرض والرّيح وسموم القيظ والبيني=وجن البر والدمدم وصوت البوم يغمرها
وناي الرّاعي وصوت الهجيني / هي عناويني=وطيب الجدّ وفزعة والدي والعين يحْمرها
وفراق العامري ليلى نديبي يوم اسلّيني=وعزم الخالدي هبّاس صملاتي ونا اخبرها

البارحة عدّيت في راس عالي=وعدى معي حزني يجرّ الطّوابير
سيلت وادي له ثلاثين خالي=تدرج به دموعي تقل قافلة عير
الليل امسّ لقو صبري حبالي =والصّبح تتقطّع ايلا نوّح الطير
في خافقي زنّ العواصف يلالي=وبالكبد نار ٍ فوقها ينفخ الكير
ابعدت نفسي عن الرّفيق الموالي=خوفي يحسّ ويبتلش وش بلى البير
اسهر وناجي سابقات الليالي=كنّي مْحكوم ٍ حدّه الظّهر تعزير
عن صحّتي لا تسألي كيف حالي=وإن قلت لك في خير والله منا بخير
جنب ٍ على صاج ٍ من النار صالي=وجنب على حد السيوف البواتير
صرح الوفاء ماهوب سهل المجالي=ونعش الهوا مادق فيه المسامير
بيت الغلا راسي ولا قيل مالي=لو الجفا يرسل عليه الأعاصير
والغالية لامن ترقّت فبالي=مجنون ليلى صرت ويقفّي الزير
انا جهلت / وغلطتي من هبالي=والله غفور ويقبل التّوب ويجير
ماني نبي لكن ّ مابي خمالي =ودينار طيبي عن ألوف الدنانير
الخير في وجهك وصدرك شمالي=والطّيب في عينك خضار و نواوير
وصلك مهوب محال / عسر المنالي!=ونا عقب فرقاك تحت المناشير
ردّي لي اللي كل ماقلت غالي=اغلى من اللي قلت وآقول بكثير
وعن صحّتي لا تسألي كيف حالي=ون قلت لك في خير / والله منا بخير

[داعي الشوق]

صح لساااااااااااااااااانك يا بو حمد

صح لساانك مليار

يا مبدع

و لاهنت

لي عودة للرد بما يليق

ولاهنت يالذيب

************

[الطائر المهاجر]

عط الحر فرصه

[ماجد الزيد]

سعود بن سعد

صح الله ابدانك ملايين يالطيب

واشكرك على مرورك السبّاق

وعودتك تشريف وفخر

ودي

[ماجد الزيد]

المشاركة الأصلية كتبت بواسطة الطائر المهاجر

عط الحر فرصه

شكراً على اتاحة الفرصة يالطاير وبانتظارك لبّى توقيعك ياشيخ
وابشر أنت تامر , لك التفاعل وتستاهل يابو عبدالله صبرك علينا شويات هانت

[الـزلـزال]

والغاليـة لامـن ترقّـت فبـالـي=مجنون ليلى صرت ويقفّـي الزيـر
انا جهلت / وغلطتـي مـن هبالـي=والله غفور ويقبل التّـوب ويجيـر
ماني نبـي لكـن ّ مابـي خمالـي=ودينار طيبي عن ألـوف الدنانيـر

ماجد الزيد

نص في قمة الجمال والتمكن والروعه

من شاعر متميز ومتمكن في كل حالاته

مبدع دائمآ وجزل في كل ماتقدمه

دمت بخير وسلام ودام لنا رقي ونبض حرفك

صح لسانك ملايين ملايين

ولك فائق تحياتي وتقديري

[الطائر المهاجر]

انا جهلت / وغلطتـي مـن هبالـي
والله غفور ويقبل التّـوب ويجيـر

والله شديدٍ في عقابه بتالي= فوازن امورك بين فعلٍ وتفكير
من لا حسب للوقت ياهملالي= ياطى على خشمه بلا اي تقدير


سلمت
وصح لسانك وقلبك ياخالي
دائما جزل ومبدع
لاهان راسك
تحياتي

[الخنساء]

صح لسانك مليووووون ولايكفون

قصيدة مميزة من شاعر متمكن

سلمت ودام حرفك

[الطامي]

الزيد
صح السانك ملايين
رائعة جدا
لاهنت اخي

[منصور العبدالله]

انا جهلت / وغلطتـي مـن هبالـي
والله غفور ويقبل التّـوب ويجيـر
ماني نبـي لكـن ّ مابـي خمالـي
ودينار طيبي عن ألـوف الدنانيـر
الخير في وجهك وصـدرك شمالـي
والطّيب في عينك خضار و نواويـر



سلمت يا ماجد

وكفو والله

صح لسانك حتى ترضى

عذب وجزل باى طرق تكتبه

تقبل مرورى المتواضع على ابداعك