الى بغيت العقيّل

[الطائر المهاجر]

ابو عقيّل اخ عزيز وغالي وحبيت اداعبه بهذه الأبيات

اليا بغيت العقيّل اعرفه وينه = عند الدواوين جالس ماتعداها
مفتون فيها عسى الله دايم يعينه= يرعي بناته ولايهتم بحداها
ماله بهمس القوافي زينه وشينه= يخاف عينٍ تصيبه لو تحدّاها
خفّر بناته عن الخطّاب من حينه = في وسط قبرٍ من الديوان ارداها

[نجم الإبداع]

ابو عبدالله


الرحمه زينه وانا اخوك

ومنتظرين الشاعر عبد العزيز العقيل

تحياتي واحترامي

المشاركة الأصلية كتبت بواسطة المشرف العام

اليا بغيت العقيّل اعرفه وينه = عند الدواوين جالس ماتعداها
مفتون فيها عسى الله دايم يعينه= يرعي بناته ولايهتم بحداها

تلميح أكثر منه تصريح ... دائما ما يعجبني أسلوبك ويبهرني كلماتك وأسلوبك في التلميح والتوجيه والله المعين على شاعر مثلك والرحمة ما في احلى منها ... ودمت أستاذنا العظيم بألف ألف خير

اولآ اشكر استاذي القدير ..شاعر العثمانيات على تلك المداعبه
والتي لن استطيع ان ارسم اللوحه المطلوبه امام ذالك البحر الجم
ثانيأ اشكر اخي الشاعر فلاح بن منشار على ارسال رساله خاصه يذكرني بها ان المشرف العام يداعبك
وهذا الكلام شاهدته قبل ساعه
ثالثآ سامحوني على ركاكه ماسوف ارد به على مداعبة استاذي
لانني لااجيد المحاوره ..والاعتراف بالحق فضيله

القاف جاني وقلت القاف يازينه=قافك ياطير السعد مفهوم معناها
كانه حرام ارجوك واطلبك تسنينه=والبنت تفلت اذا حنا سفهناها
لازم عيوني وكفي تلمس ايدينه=ياحلو خفر البنيه ويازين حناها
ياطير شعر الغزل يازين تجنينه=حنا تلاميذ همسك وآهاتك حفظناها

[نجم الإبداع]

الله الله

ابو عبدالله

وأتتك الجزاله ترفرف


كفو ياشاعرنا


عبد العزيز العقيل


واصلوا وانا ساتابع وسأكون بصف العقيل


تحياتي واحترامي

[الطائر المهاجر]

وأد البنيّه حرام وشرعة شينه = خله تبيّن ولف الشعر برداها
وان كان خايف تبين وجهها عِينه = نشوف لمع الثنايا تقهر عداها
يمكن يجي خاطب ترضاه من دينه= قبل العنوسه فتو البنت ماامداها

البنت عندي جميله تذبح بزينه=خايف عليها الحسد او عين تبلاها
اذا تقدم كفو اعرف متى حينه=ودي تحس الطفوله ايش معناها
بنات فكري ذهب اصايل الطينه=الوأد اهون ولا شوفة محياها

[الطائر المهاجر]

ترى تعنس وتصبح كنها طينه = تقعد بكبدك ويمكن لو تحداها
اتغازل اللي يجي لو تجهله مينه= ومن خلف ظهرك سواياها تنداها
لابد من زوج يقطف يانع التينه= منتاب دايم لها والركب عداها

مريم تهز الجذع بالكف وايدينه=قالووقالو ورب البيت يحماها
ماكل بنت(ن)غريره او نقص دينه=ولا كل بنت(ن) كلام الحب يغشاها
والورد ماتنبته في غصنها التينه=ونذوق من طلعها ونقول محلاها

[نجم الإبداع]

الله على الإبداع


واصلوا

لاعدمتكم