عيطموس(ن) دقاقـه وطخمـا = مثل ماقيـل ياويـل امهـا

[سعود القت]

شـب صدر المولـع واحتمـا = جايـر الـود حالـه سمـهـا
انبـرى الحـال بـري المرسمـا = لــو اخـفٌـي ذبحـنـي همـهـا
والهـوى مسلـكـه ماترجـمـا = سكـةٍ مـن مشـاهـا ذمـهـا
ليتنا في عصر سفـك الدمـا = والله انــي لـجـي مزتـمـهـا
رجلنا لا زما العايل زمـا = ميـر قالـت بنـا فـي كمهـا
مدري فالارض والا فالسما = اخـطـي لسـكـتـي واخـمـهـا
حبهـا فـي معاليـقـي نـمـا = ليـن غطـا العـروش وطمهـا
عيطموس(ن) دقاقـه وطخمـا = مثل ماقيـل ياويـل امهـا
انهودها كنها طلـع الكمـا = والعسـل منزبر في فمـهـا
والمحبـه نـهـر كـلـه ظـمـا = مختلـط مـع عسلـهـا سمـهـا
غصب ينشـب لسانـي فالجمـا = كـل ماجيـت ابنظـر يمـهـا
ياعسى مـن حدانـي للعمـا = مـير ابوهـا وحتـى عمـهـا

[أم ريما]

صح لساااااانك


قصيده جميله يعطيك العافيه

تحياتي لك

ياعسى من حداني للعمـا
مير ابوها وحتـى عمهـا

تستاهل اجل تحسب بنات الناس ماوراها رجال
شعركم يالفطاحل لو سما= بالقوافي شهدها وسمها

صح لسانك وقلبك
ولاهنت
دمت بود

[نجم الإبداع]

الله الله ياسعود

صح لسانك وقلبك

نص مميز
لاهنت على اتحافنا

تقبل مروري
وودي

[سناعيس]

سعود القت

صح لسانك
رائعه وجزله
لايهنت يالجزل

تحياتي

[بنت القصيد]

الله علييك يالقرم
ابدعت
سجل اعجابي بالقصيده

ابداااع
جزله من راس جزل

تحياتي
اختك بنت القصيد ............

[الخنساء]

صح لسانك اخي الشاعر سعود
قصيدة جزلة ولاهان راسك
سلمت وسلم شعرك
دمت بخير

الله الله
ابدعت وربى
بهذه الفاتنه
يكفى بس القافيه محكمه صح
وتجبرك على القراءه
صح لسانك
ولاهنت

دمت بود

صح لسانك


اخوي

وهذي اول قصيده اقرائها


في فطاحلة الشعر


اختك الناقده

[الطائر المهاجر]

انبرى الحال بري المرسما=لو اخفٌي ذبحنـي همهـا

اما في هذيص ادق ... عز الله إن سعود بالفعل منبري حاله
وانا اقول وش السبب ، اثاريه يحب ....
من دخل بحر الهوى ما احتما = ياكله بعض السمك ماهما

صح لسانك وبيض الله وجهك
جزلة وراقية وعذبه من شاعر علم
لاهان راسك يالغالي
اعجابي اللامحدود
تقبل أطيب تحياتي