مجلس الشيبان

[هاجس نجد]

مجلس الشيبان

يامـا حــلا حـــزّة مـسـيـان = وأنا أزعــب الـدلـو بيديه
يــزعــب معــي قايد الغزلان = عـلـيــه بـرقـع وبـوشيه
نزعــب مـن البـيـر بالقـدحان = سحـالٍ لهــا حلاق شاميه
وإلا غــديــرٍ مــن الــوديـان = منـه القــرب دوم مـمليه
المـاء نصبـه علـى الحيضـان = جــاهـــز إلى مـر طرقيه
يازين شـربـه مـن الصمــلان = وإلا شـنـان بـهــا الــريّه
يطفـي ظمـأ لاهـب العطشان = ياما حــلا شـرب شــاهيه
في بـيـت مـن يفـتــح البـيـبان = منصى النشـاما الشقـرديه
الكمــار به صفّــّة الــرسـلان = وأخرى على النار مركيه
والنجـر صوته ظهــر رنان = فــي روشــنٍ عاليه مبانيه
يلفـي علـى صـوتـه الضيفـان = يامـا حــلا نفــس راعيـه
راعيــه يــذبــح لهــم طليــان = ويحمس على النـار بـريه
العـيـش يشــريه بالصيعــان = مـافـيــه كيلــو ولا أوقيه
والحَــب مايطـحـنــه طحّــان = على الـرحى شغـل نشميه
تطحـن وتقرص لها قرصان = وتجفى العشاء فوق صينيه
فيـه القفـر والجــراد ألـوان = وفـقـعٍ ظهـر بسيـل وسميه
الورق ناحت على الأغصان = نطرب على صوت قمريه
يـازيـن صوتــه يجــر الحان = يسجـع على رأس صقعـيه
يامـا حــلا مجلـس الشيـبـان = لامــن لفــو كــل عصريه
من حــولهــم نلعـب الــدنان = ونلعب معـه طـاق طاقيه
وأهـل الغنـم شرعوا البيبان = وكــلٍ سـرى فـي مساريه
في هالـزمـن تغيـر الجيران = مـــاعـــاد فيهـــم محنـيّـه
الطبــع الأول تغيّــر شــان = وأخلاقهم صارت تجاريه
معــروفـك يقابلــه نكــران = لـو كـــان مـن أي جنسيـه
قـليـل منهــم يسـوي إحسـان = أو يصنـع أعمــال خيريه
حتى الولـد يمشي فالعصيان = بـاللــيــل روحـــات وجيه
الصبح يطلع وهـو سهــران = تقــول مجـبــور جـبــريه
أبـو سبـع يشـرب الــدخــان = وأبــو عشــر فـعـلـتـه سيّه
يالله دخـيـلـك مـن النقصـان = يــارب وإن تصلــــح النيه
يارب سـالك عـظيـم الشـأن = تغـفـــر ذنـوب الـهــواويه
تدمـح لهــم ماخفــا وما بان = ولا تكشــف ومــور مخفيـّه
وصــلاة مـن نـزّل القــرآن = وأنــزل أحـكــام سمــاويه
علـى محمــد نسـل عــدنان = عــد الـرمـل في صحــاريه

هاجس }{ نجـــد

[داعي الشوق]

يا هاجس نجـــد

وصح لسانك ،

تصوير رائع من شاعر رائع

[الأموره]

هآجس نجد ،،

كلمآت جميله و قصيده رآئعه

صح لسانك ملايين يخوي

سلمت و سلم فكرك

الف شكر لك

دمت برعاية الخالق

[هاجس نجد]

المشاركة الأصلية كتبت بواسطة داعي الشوق

محجوووووووووووووووووز

اهلا بك وبحضوركـ

اخي الفاضل

واشكرك على هذا المرور الكريم

لاحرمنا الله هذا التواصل

لك شكري وتقديري

تقبل تحياتي

أخوكـ

هــاجس}{نـجـــد

[هاجس نجد]

المشاركة الأصلية كتبت بواسطة الأموره

هآجس نجد ،،

كلمآت جميله و قصيده رآئعه

صح لسانك ملايين يخوي

سلمت و سلم فكرك

الف شكر لك

دمت برعاية الخالق

اهلا بك اختي الأمورة
صح بدنك ملايين
سعدت بهذه الإطلاله منك
وبهذه الزيارة
عطرتي المتصفح بحضوركـ
ولاحرمنا هذا التواصل منكم
مع تحياتي وتقديري

أخوكـ

هـاجس }{ نجــد

[الخنساء]

صح لسانك اخي الشاعر هاجس

لاهان راسك قصيدة رائعة

وكل عام وانت بخير

سلمت وسلم شعرك

دمت بخير

[الطامي]

هاجس نجد
عيدك مبارك
صح السانك وبنانك
وافية بالحيل
لاهنت عيني
وشكرا لك

[نجم الإبداع]

اللهم صل على محمد

وصح لسانك ياسعد

وكل عام وانت بخير

ابدعت

لاهنت


تحياتي وودي

[ابو أنس]

الفاضل هاجس نجد.....................
هجينية كايفه
تصوير رائع وجمل متناسقه رحلت بنا الى تلك العوالم الأنيسه
لك كل الشكر ووافر التحيه

[الـزلـزال]

هاجس نجد


قصيده جمعت بين البداوه وحياتنا الحاليه


أبدعت في جميع تصويراتك

مبدع مبدع لله درك

وصح لسانك ملايين ملايين

وكل عام وأنت بالف خير


تقبل تحياتي