شلته بجوفـي والحـِمــل صار زايــــــد !!

[دايود صالح الخلف]

مناسبة هالقصيده :

انه فيه احد الاخوات مطلقه ولديها ابن
وطليقها والد هذا الابن يريد ان يأخذه منها
رغم صغر سنه وياخذه لكي تربيه زوجته الثانيه
والكل يعرف قلب الأم وانها هي الاحق بتربيته
اذا كان صغير بالسـن !!
فقـالت اريد قصيده لعلها توصل المطلوب للمقصود
لأني لا اتحدث معهم لكن القصيده تعبر وتصل اكثر .
فكتبت هالابيات بلسانها .
واتمنأ تنال على رضاكم

بديـت باسم اللـي عليـه اتكـالي=الواحد المعبـود عالـم ابحالي
اسباب هـم ٍ دايـم ٍ في خيالـي=من بعد ماجاني خبر شيـّـب الراس
صارت حياتي كلها هـم وغبـون=اهـات واحـزان ٍ بعـد ويش يبغون
هذا وليـدي ياهلـي ليت تـدرون=ويــّـاه فــرحي دايم ٍ ماله اقيـاس
لو راح عنـي نور عيـني وضيـّـه=بفـقـد حيـاتي والـفرح والشهيـّـه
والضيم يصـرخ صـرخـة ٍ بي قـويّـه=ما جربـه ياكـود شخص ٍ به اتعاس
شلـته بجـوفـي والحِـمـل صـار زايــد=تسعـة شهور ٍ عشتهـا بالشـدايــد
يا كيـف ابصـبــر فعـل هالشــيّ كايـد=تكـفى وتكـفى .. ترحم القـلب واحساس
كـان الرجا يعـلـن عليـّــا رحيلــه=دمعـي علـى خـدي يسيـل ابهميلـه
والروح والله ثـم واللــّـه عليلـــه=عز الله انـه عايـش ٍ فيـني اليــاس
رجواي للخـالـق الهـي ومــولاي=يرحـم بحالـي عـارف ٍ ويش مغـزاي
انــه يسـرّ القـلـب ويحـقق امنـاي=منـوة حياتي مهجـتـي سـر الاونـاس
والختـم اصلــّي عـِـد طـش السحايب=وعـداد ما هـبـّـت علينـا هبـايـب
وعـداد ما عـوّد بالاسـلام تـايـب=على النبـي خيـر البشـر واطهـر الناس

واسأل الله العلي القدير ان يقر عينها بأبنها
ويصلحه ويجعله من البارين بها ...


تحياتي

[الـزلـزال]

هذا وليـدي ياهلـي ليـت تـدرون=ويّـاه فرحـي دايـم ٍ مالـه اقيـاس
لـو راح عنـي نـور عينـي وضيّـه=بفقـد حياتـي والفـرح والشهـيّـه

دايود الخلف
قصيده رائعه في معانيها وتوجيهها
من شاعر عودنا على تقديم كل مميز
أبدعت غالينا في هذة القصيده
كما أبدعت في طريقة التوجيه
الله يصلح حال المسلمين ويهني هالحرمه
في ولدها ويصلحه لها
صح لسانك ملايين ملايين
ولك فائق تحياتي وتقديري

[منيع]

رائعه ومعبره
بارك الله فيكم
تحياتي وتقديري

[نجم الإبداع]

اللهم صل على محمد

وصح لسانك يادايود

احسنت

لاهنت

تقبل مروري

وتقديري

[نفحات حساسة]

رجـواي للخالـق الهـي ومـولاي

يرحم بحالي عـارف ٍ ويـش مغـزاي

انـه يسـرّ القلـب ويحقـق امنـاي

منوة حياتي مهجتـي سـر الاونـاس

صح لسانك اخوى..والله يقربها عيونها
ويبر بها..ولاهنت اخوى
تقبل تحياتى..

[سناعيس]

وفي ياديود ولله درك
وصح لسانك على هذه الرائعه والمؤثره
بأمل أن تجد الصدى التي كتبتها من أجله
وأن يعيد لهذه الأم المسكينه فلذة كبدها

[الطامي]

دايود
صح السانك والله يثيبك بالأجر
جزلة من جزل
عسى الله يجعلها بادرة خير على المقصود
شكرا لك

[زهرة اللوتس]

صح لسانك واعتلى شأنك
نص رائع من شاعر رائع
لاهنت
تقديري واحترامي

[الطائر المهاجر]

سلمت وصح لسانك
واعتلى شأنك
نص رائع من شاعر رائع
لاهنت يادايود
وان شاء الله تنفع
حسب فهمي فالولد لأمه
حتى يبلغ 18 فيخير
دمت بخبر

[مبروك بن ماضي]

صح لسانك شاعرنا / دايود الخلف
ما أجمل الشعر عندما يكون رساله
رائعه من روائعك سعدت بقراءتها
سجل اعجابي وتفضل بقبول تحياتي ،