محاكاة الصورة ۞

[ابومالك رسام]

({محاكاة الصورة )}

ملاحظة : القصيدة تحكي عن الصورة بأسم صاحبتها

صباح الشرفه اللي منها جانا الهواء بحري= وانظرات الغرام اللي تهاوت بعد صاحبها
وحلماً عانق امواجه بلمحة شوقه العذري =ونسمات الشعور اللي محال يعود شاعرها
تهاوت في دقايق وانطفاء فانوسها السحري =رمتني دون طيات الدفاء والبرد قايدها
رمتني في وسط درباً طويل وليل ما يسري = متاهة في متاهة في دروباً تاه جاهلها
تمنيت الزمان اللي رحل عني ولا ادري = رحيل الضحكة اللي تنسرق من ثغر فاقدها
يعاود والبراءة والأمان يعود في صدري = بقلب الطفلة اللي همها مقبض ضفايرها
هذيك الطفلة اللي بالشقاوة والفرح تجري = ولا تدري عن اللي حولها تجمع حوايجها
طموحاً ما تعدا كود لعبه لونها زهري = وخطوة من حريراً تنتظر طيفاً يداعبها
ردا هذا الزمان وناسه اللي شوشت فكري = ولا ادري دنيتي واشلون تاليها من أولها
زماناً جيت ارش العطر حوله ما نفح عطري = زهوره اصطناعية غدت من لون صانعها
وجوهاً شوهت وجه الزمان بثوبها المُغري = مظاهر لونها بيضاء ولون الليل طابعها
أمانينا الصغيرة يوم كبرت وابتدت تسري = تعثر حلمها واليأس والإحباط طالعها
أماني تندثر وأحلام يتعب حلمها صبري = هوت أحلامنا والصبر صفعة فوق صابرها

[عبدالله الشويمان]

لله درك يا ابومالك وصح السانك

نص راقي وجزل يا الجزل

دمت بخير ولاهنت

[محمد عبدالله البدراني]

صح السانك يابو مالك وعلا شانك




تحياتي
مع اسمى ايات الشكر فائق الاحترام واطيب المنى رعاك الله

[مبروك بن ماضي]

جميلة أيها الشاعر و جزله
الحقيقة أنني أسعد بالقراءة لك ..
ارتويت هنا من إبداعك
شاعرنا المبدع / ابومالك رسام
سجل اعجابي القديم
بشعرك وشخصك الكريم
محاكاة ولا أجمل
أدام الله عليك هذا الألق
أجمل التحايا لك واكثر ..
أخوك / بن ماضي

[الخنساء]

صح لسانك اخي الشاعر ابو مالك
لاهان را سك قصيدة رائعه
سلمت وسلم شعرك
دمت بخير

[الأموره]

ابومالك

صح لسانك ملايين يخوي

سلمت و سلم فكرك

قصيدة رائعه

الف شكر لك

دمت برعاية الخالق

[ابو أنس]

ابو مالك رسام............
وقد استعرت من اسمك ريشة الفن لترسم الجمال هنا
لك كل الشكر

[النهج المختلف]

صح السانك يابومالك ,,,,
قصيدة جزلة وراقية من شاعر مبدع ,,,,
لاهنت يالغالي ,,,, تحياتي وتقديري ,,,,

[منصور العبدالله]

تهاوت في دقايق وانطفاء فانوسها السحري
رمتني دون طيات الدفـاء والبـرد قايدهـا

رمتني في وسط درباً طويل وليل ما يسري
متاهة في متاهة في دروبـاً تـاه جاهلهـا

تمنيت الزمان اللي رحـل عنـي ولا ادري
رحيل الضحكة اللي تنسرق من ثغر فاقدهـا

يعاود والبراءة والأمان يعود فـي صـدري
بقلب الطفلة اللي همها مقبـض ضفايرهـا



الله الله الله


ما اروعك

باذخه

تروى الذائقه


يا ابو مالك

تقبل مرورى وتقديرى لشاعريتك

[حي الضمير]

ياسلام عليك يابومالك
ابدعت وامتعت واتقنت
والف صح لسانك