(المستريح اللي من العقل خالي)

[الطائر المهاجر]

(المستريح اللي من العقل خالي)= مافكر بغيره ولا تابع اخبار
في وقت فيه الفكر لازال بالي=واللي بعقله فكر بالوضع محتار
لو هو تكلم قيل هذا خيالي= ولوهو سكت يشعر بجوفه كما النار
فاللي يعرف الأمر ماهو مبالي=يمكن رصيده ينقذه وقت الاخطار
ولو هو فقيرٍ قال ماهو مجالي = همه بفقره مالقى نصف دينار
وانا بدرب الحق مهما جرى لي = ولاني منافق خاتل بكل مشوار
اوضح الصوره بصدق المقالي= للي جهل بالأمر من بعض الاخيار
يلعب بنا الغربي جنوب وشمالي= ويلعب بنا الشرقي على كيف يختار
وفي لعبة الشطرنج شفنا الختالي= وتنفيذ لعهودٍ مضت بين الاشرار
بين المجوسي واليهودي الموالي= بانت لنا الصوره على كل الاطوار
تقسيم في تقسيم حتى الزوالي= لارض العروبه بين طاغي وجبار
خوفٍ تعيد امجادها بالنضالي = لعهد الفتوح وحكمها كل الاقطار
لكن مهما الموج بالمكر عالي= مكر الله اكبر من خبيثٍ ومكار
يالله ولا غيرك عزيز الجلالي = تحرق بعضهم في بعض حرق الاشجار

[نجم الإبداع]

اللهم امين

صح لسانك يابو عبدالله

مصافحه وافيه سعدت بان اكون اول الحاضرين

لاهنت

تقبل مروري

وتقديري

[عبدالعزيز العمار]

اللهم آمين ويجعل تدبيرهم تدميراً عليهم

صح لسانك يابوعبدالله وجاد بيانك

شاعر مواكب للحدث بأسلوبك المميز

تحياتي لك ولهطولك الفاخر

دمت بخير

[صعبة المنال]

والنعم بالله
صح نيضك وحرفك

صعوووووب

[كظيم]

الله يسمع منك

ابو عبدالله
اشهد بالله العقل الايام ذي نقمــه
وصح لسـانك وفكرك
نص وافي يحكي حقيقة كل المؤمرات
ابيات مست الواقـع

وفي لعبة الشطرنج شفنـا الختالـي
وتنفيذ لعهودٍ مضـت بيـن الاشـرار
هنـا تصوير رائـــع
ولايعني إنه الوحيد
فكل ابيات القصيده رائعـه ومؤلمــه
تقبل مروري المتواضع لاهنت
ودي وتقديري

[مسلم عواد العميري]

الطائر المهاجر
صح لسانك وفكرك
نص رائع وجزل
لاعدمنا تواجدك ياغالي
تحياتي

[حي الضمير]

صح لساااااااااااانك ياشاعر الحكمه
قصيده رائعه وابدعت
سلمت يمناك

[حي الضمير]

صح لساااااااااااانك ياشاعر الحكمه
قصيده رائعه وابدعت
سلمت يمناك

[عمر ال شيبي]

يالله ولا غيـرك عـزيـز الجـلالـي

تحرق بعضهم في بعض حرق الاشجار

امين يا رب

صح لسانك استاذنا وصديقنا وشاعرنا

[الطامي]

(المستريح اللي مـن العقـل خالـي)
مافكـر بغيـره ولا تـابـع اخـبـار
في وقـت فيـه الفكـر لازال بالـي
واللي بعقله فكـر بالوضـع محتـار
لـو هـو تكلـم قيـل هـذا خيالـي
ولوهو سكت يشعر بجوفه كما النـار
فاللي يعـرف الأمـر ماهـو مبالـي
يمكن رصيده ينقـذه وقـت الاخطـار
،،،،،،،،،،،،،،،،،،،،،،،،
الطائر
صح السانك ملايين
والمستريح اللي من العقل خالي
الله يعين يالعود
شكرال ك